13emîn Pêşbirka Kurtefîlman a Mafên Mirovan a Yekîtîya Ewropayê 10ê Berfanbarê destpê dike

13emîn Pêşbirka Kurtefîlman a Mafên Mirovan a Yekîtîya Ewropayê di navbera dîrokên 10-11ê meha Berfanbarê de bi têmayên ‘Wekhevîya zayenda civakî’ û ‘Qeyrana avhewa” ve tê lidarxistin. Bernameya nîşandayîna pêşbirkê wê di demeke nêz de bê eşkerekirin.

Delegasyona Tirkiyeyê ya Yekîtîya Ewropayê her sal ji bo salvegera Danezana Gerdûnî ya Mafên Mirovan, Pêşbirka Kurtefîlman a Mafên Mirovan a YEyê li dar dixe. Danezana Gerdûnî ya Mafên Mirovan ji aliye Neteweyên Yekbûyî di 10ê Berfanbara sala 1948ê de hate qebûlkirin ku danezaneke bingehîn e ji bo tekoşîna mafên mirovan a hemû cîhanê û îsal 75emîn salvegera Danezana Gerdûnî ya Mafên Mirovan e.

Pêşbirka Kurtefîlman a Mafên Mirovan a Yekîtîya Ewropayê îsal cara sêzdemîn tê lidarxistin û pêvajoya serîlêdanê ya sînemageran 1ê Mildarê xelas bû. Bernameya pêşbirka kurtefîlman îsal wê bi dirûşma “Ji Bo Mafên Mirovan Tevbigere (#StandUp4HumanRights) re bê lidarxistin. Ji bo Xelatên Mafên Mirovan 10 kurtefîlm, ji bo Xelatên Wekhevîya Zayenda Civakî û Qeyrana Avhewayên bi tevahî 10 fîlm dê ji alîyê jurîyên beşên pêşbirkê ve bêne nirxandin û sînemahez dikarin agahîyên bernameyê bi etîketa #ABİnsanHaklarıKısaFilmYarışması re bişopînin. Fîlmên finalîst ên 13emîn Pêşbirka Kurtefîlman a Mafên Mirovan a Yekîtîya Ewropayê dê di demeke nêz de bêne parvekirin.

Endamên Pêşjurîyê:

Doç. Dr. Remzîye Kose Ozelçî – Zanîngeha Îstanbul Kulturê, Fakulteya Huner û Sêwirandinê, Beşa Radyo, Endama Hîndekarîyê ya  Televîzyon û Sînemayê 

Dr. Endamê Hîndekarîyê Alî Çagil Omerbaş – Zanîngeha Başkentê, Bernemaya Sêwirandin û Rêvebirina Fîlman 

Denîz Berberoglû – Koodînatora Beşa Sînemaya Cîhanê ya Festîvala Fîlman a Ankarayê 

Endamên Jurîya Fînalê: 

Selen Uçer – Lîstikvan

Ozcan Alper – Derhêner û Senarîst

Prof. Dr. Asker Kartari – Zanîngeha Kadîr Hasê, Fakulteya Ragihandinê, Serokê Beşa Reklamkerî, Dîrektorê Platforma Pîşesazîyên Afirîner 

Afşîn Yurdakul – Rojnamevan, Pêşkêşkera TVyê, Moderator

Salîh Erturan – Mafparêz, Endamê Komeleya Yurttaşlik û Komeleya Rojeva Mafên Mirovan 

Ji bo agahî û bername: 

Xelatên 13emîn Pêşbirka Kurtefîlman a Mafên Mirovan a Yekîtîya Ewropayê: