4 fîlmên Derhênera navdar a Arjantînî Lucrecia Martel’ê

Derhênera navdar a Arjantînî Lucrecia Martel bi Derhêner Pedro Almodóvar re yek ji Derhênerên herî bandorker û serketî yên sînemaya Spanî û sînemaya serbixwe ye û mora xwe daye li Hunera Heftemîn.

Derhêner, Senarîst û Çêker Lucrecia Martel weke fikr û ramanê auteur e û di fîlmên xwe bi taybetî qala pisgirêkên keç û jinan û rewş û mercên civakî ve dike û derhêner yek ji nûnerên herî serketî yên “Sînemaya Arjantinê ya Nû” ye. Di fîlmên Lucreci Martel’ê de; derbîr, xewn, têgihîştin sehekî û cihên diyar cihekî gelek giring digirin û derhêner di sînemayê de zimaneke resen û bandorker afirandiye.

Derhênera navdar Lucrecia Martel di jiyana xwe ya Sînemayê de gelek fîlmên metraj dirêj, kurtefîlm û belgefîlman kişandine. Fîlmê “La Cienaga” ya Lucrecia Martel’ê di sînemaya nêzîk de yek ji fîlmên herî bandorker tê pejirandin. Lucrecia Martel li Festîvala Fîlman a Navneteweyî ya Venedîkê de îsal weke Seroka Juriya Festîvalê hatibû eşkerekirin.

“La Ciénaga” (2001) / Derhêner û Senaryo: Lucrecia Martel

Lîstikvanan: Mercedes Morán, Graciela Borges, Martín Adjemiá

Yekem fîlmê dirêj a Derhêner Lucrecia Martel’ê “La Ciénaga” li Herêma Saltayê ya girêdayî bakurê rojavaya Arjantinê, qala rojên malbeteke burjûva ve dike û rojên wan ên li herêma hêmî nîşan dide.

Hin sehneyên fîlmê “La Ciénaga” dişibe belgefîlmê hatiye kişandin û li ser rewşa civakî disekine û derhêner bi alegorîyan (metafor) atmosfereke resen û rastîbîn afirandiye.

“La Niňa Santa” (2004) / Derhêner: Lucrecia Martel û Senaryo: Lucrecia Martel, Juan Pablo Domenech
Lîstikvanan: Mercedes Morán, Carlos Belloso, Alejandro Urdapilleta

Fîlmê “La Niňa Santa” li ser çîroka jiyana Rahîbeyeke piçûk a bi navê Amalia ye û ciwantiya wê, veguherînan û rewşa gerdîşên civakî nîşan dide. “La Niňa Santa” di civakî de qala rewş û halên keç û jinan ve dike. Cureya fîlmê Derûnnasî-Dram e û di bernameya Festîvala Fîlman a Navneteweyî ya Cannesê de weke berendamê Palmîyeya Zerîn hatiye nîşandan.

“La Mujer Sin Cabeza” (2008)

Derhêner û Senaryo: Lucrecia Martel
Lîstîkvanan: María Onetto, Claudia Cantero, Inés Efron

Li dû fîlmên “La Ciénaga” û “La Niňa Santa”yê fîlmê dawî ya “Sêbareya Saltayê” “La Mujer Sin Cabeza” di sala 2008’ê hate kişandin. Derhênera navdar Lucrecia Martel bi ev fîlmê xwe jî li ser hest û têgihan û rewşa civakî disekine û zimaneke alegorîk diafirine. Fîlmê “La Ciénaga” qala pirsgirêkên çînî, rewşa pêtina civakî kirûya têgihanê dike û di jiyana rojane de rûyê bandorên teknolojî û paranoyayê nîşan dide.

Di fîlmê de Veronica bi erebeya xwe qezeyek dike û ji ber vê qezayê rojên zor derbas dibe.

“Zama” (2017) / Derhêner û Senaryo: Lucrecia Martel
Lîstikvanan: Daniel Giménez Cacho, Lola Dueñas, Matheus Nachtergaele

Fîlmê “Zama”yê di sedsala 18’ê de li Paragûayê wê demê girêdayî welata Îspanyayê ye de derbas dibe û behsa dadgerekî bi navê Don Diego De Zama ku li benda tayîn û terfîyê ye, re dike û li ser çîroka wî bi nerîneke rexneyî dîroka mêtinkariyê nîşan dide. Lucrecia Martel wekî fîlmên xwe yên din bi ev fîlmê xwe jî atmosfereke resen û sehekî afirandiye û temaşevanên xwe di serpêhatîya rêwitiyeke li xwezaya rengin a Amerîkaya Başûr de digere.

Çîroka fîlmê “Zama”yê ji romana wêjekar Antonio di Benedetto’yê bo sînemayê lê hatiye kişandin û di navbera çêkerên fîlmê de Pedro Almodóvar û Gael GarcíaBernal jî hene.

Fîlmografiya Lucrecia Martel’ê: https://m.imdb.com/name/nm0551506/

Nivîs: Rûmet Med

Sînemaya Serbixwe – www.sinemayaserbixwe.com

Share This
COMMENTS

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir

%d blogcu bunu beğendi: