“Barê Giran” li festîvalên fîlman du xelat standin
Kurtefîlmê “Barê Giran” yê derhênerê kurd Yilmaz Ozdîlî, li 20’emîn Festîvala Fîlman a Nawneteweyî ya Cine Lebuyê (Şîlî) xelata Baştirîn Kurte-fîlmê Navneteweyî û serlîstikvanê fîlmê Adil Abdurrahman, li 6’emîn Festîvala Fîlman ya Merîdayê (Meksîka) xelata Lîstikvanê Herî Serketî girtin.
Kurtefîlmê “Barê Giran” dê di çarçoveya beşên pêşbirkên gelek festîvalên fîlman ên navneteweyî de bê nîşandan. Hate ragihandin ku “Barê Giran”, ji bo bernameyên 50’emîn Festîvala Fîlman a Tampereê ya Navneteweyî (Finlandiya), Festîvala Kurtefîlman a Sydneyê, 25’emîn Xelatên İfvayê, 29’emîn Festîvala Fîlman a Navneteweyî ya Catharsisinterê û 18emîn Festîvala Fîlman a Nawneteweyî ya Garden Stateê hate hilbijartin (New Jersey, DYA).
“Barê Giran”, wê di bernameyên 9 festîvalên din de jî bê nîşandan û dîrokên festîvalên fîlman wiha ne;
- 25’emîn Festîvala Fîlman a Tirkiye û Elmanyê (Beşa Pêşbirkê), 20-29’ê Adarê, 2020 Nurnberg,
- 48’emîn Civaka Sînemayê ya Digne-les-Bainsê, 31ê Adarê-1’ê Avrêlê, 2020, Digne-les-Bains, Frensa
- 12’yemîn Festîvalên Fîlman a Medyayê (Beşa Pêşbirkê), 2-4’ê Avrêlê 2020, Philadelphia, DYA
- 16’emîn Festîvala Fîlmên Tirkan a Parîsê, 1-7’ê Avrêlê, 2020, Frensa
- 13’yemîn Festîvala Fîlman a Ecozineyê (Beşa Pêşbirkê), 5-14’ê Gulanê, 2020, Zaragoza, Îspanya
- 11’emîn Festîvala Fîlmên Kurdî ya Londonê, 24’ê Avrêlê-3’yê Gulanê, 2020, London
- 7. L’Europe autour de l’Europe – Festîvala Fîlman a Ewropayê ya Parîsê, 14-28’ê Gulanê, 2020, Parîs, Frensa
- 7th Annual North Hollywood CineFest Film Festival, April 9-16’ê Avrêlê, North Hollywood, DYA
- Rojên Fîlman a Orient-Expressê, 7-10’ê Gulanê, 2020, Bern, Swîsre
Kurtefîlmê “Barê Giran” ku ji aliyê derhêner û akademîsyenê kurd Yilmaz Ozdîl ve hatiye nivîsandin û kişandin, qala çîroka jiyanên balhilgirekî bi navê Avdel û malbata wî dike. Avdel, bi kerê xwe yê îxtiyar re karê barhilgiriyê dike û li malbata xwe dinêre. “Barê Giran” di bernameya Festîvala Fîlman a Navneteweyî ya Cannesê de û di bernemya gelek festîvalan de hate nîşandan û li 7’emîn Festîvala Fîlman a Navneteweyî ya Duhokê, 18’emîn Festîvala Fîlmên Serbixwe ya Navneteweyî ya Stenbolê “!f İstanbul”, 17’emîn Festîvala Kurtefîlman a Behra Spî ya Tangera Fasê de Xelata Mezin û 19’emîn Festîvala Kurtefîlmên Ewropî ya Niceê û 20’emin Festîvala Kurtefîlman a Îzmîrê û 6’mîn Festîvala Gollut’ê (Girona/Îspanya) Xelata Kurtefîlmê Herî Serketî û 10’emîn Festîvala Kurtefîlman a Navneteweyî ya Medyaya Nû ya Çînê xelata King Bonn û Festîvala Nawnateweyi ya kurte-fîlman ya Newcastleê (Avustralya) xelata kurtefîlmê baştirîn jî têde di gelek beşên din de xelat girtin û li 13’emîn Festîvala Fîlman a Navneteweyî ya SîneMardinê de hate nîşandan.
Nûçe – Sînemaya Serbixwe – www.sinemayaserbixwe.com