Bernamey Festîvala Fîlmê Kurdî ay Londonî eşkera bî

Festîvala Fîlmê Kurdî ay Londonî emsar rey 13’inan virazêna. Festîvale bernamey emsarî eşkera kerd.

Festîvala Fîlmê Kurdî ay Londonî  emsar miyanê rocanê 23-30’ê ene aşme de virazêna. Eno di serî bî semedê pandemî festîvale online viraziyayne, emsar reyna zey seranê bînan bi awayke normale virazêna û fîlmî salonanê sînema de yenê mocnayişî.

‘CÎRAN’ Û ‘ZAROKTIYA ÎMAD’

Festîvale de fîlmê kilmî û dergî, belgefîlmî estê. Festîvale 13’ê aşme go bi mocnayişê fîlmê derhêner Mano Xelîl ê bi namey “Chiran” dest pa bikero û 30’ê aşme zî bi fîlmê derhêner Zahavî Sanjavî “Zaroktiya Îmad” heta serêke bîne xatir biwazo. 13’ê aşme, Vue Cinema ay Londonî, saet 18.00 de go galaya resepsiyonî viraziyo. Dimay xeberdan û xêramiyayişî go hunermend Elênore Fourniau ke hezkerdoxa muzîka kurdî ya go konserêke pêşkêş bikero û dimara zî fîlmê destpakerdişê festîvale veciyo vernî meymanan. Ji bo agahî û bernameya festîvalê: 

(Ji fîlmê Şewket Emîn Korkî yê “Ezmûn” (The Exam, 2021)

SALONÊ SÎNEMA

Hedrekerdoxanê festîvale emsar 31 fîlm weçînayê û kerdê miyanê bernamî. Fîlmî 3 salonanê sînema de yenê mocnayişî. Miyanê rocanê 23-26ê Îlonê de go Vue Cinema Woodgreenê de, Miyanê rocanê 27-29ê Îlonê de go Rio Cinemayê û rocê 30’ê aşme zî go Prince Charles Cinemayê de fîlmê festîvale bêrê pêşkêşkerdinî.

XELATÎ

Festîvale fîlmê serkewteyan zî weçînena û xelate dana înan. Gorey bernamey emsarî de go 7 hetan de xelatî bêrê vilakerdişî. 

Bi namey “Xelata Rojazer ay Fîlmo Derg ê Serkewte”, “Xelata Mehmet Aksoy ay Belgefîlmo Serkewte”, “Xelata Yilmaz Guney ay Fîlmo Kilm ê Serkewte”, “Xelata Taha Kerîmî ay Belgefîlmo Kilm ê Serkewte”, “Xelata Rûmete ay Festîvale”, “Xelata Kaykerdoxa Serkefte” û “Xelata Kaykerdoxo Serkaewte” go xelate bêro vilakerdişî.

Xeynî mocnayişê fîlman û dayişê xelatan, go festîvale de  2 panêl û workshopêke zî bêro viraştişî.

Çavkanî: Diyarname

Sînemaya Serbixwe – www.sinemayaserbixwe.com

Share This
COMMENTS

Bir cevap yazın

E-posta hesabınız yayımlanmayacak.

%d blogcu bunu beğendi: