Ji ber şewba vîrusa coronayê li seranserê cîhanê festîvalên fîlman hatin taloqkirin û projeyên kişandina fîlman hema hema rawesta. 39’emîn Festîvala Fîlman a Navneteweyî ya Stenbolê îsal wekî gelek festîvalan li ser înternetê tête li darxistin û bernameya onlineê ya festîvalê hat eşkerekirin. Di festîvalê de gelek fîlmên balkêş ên sala par jî bêne nîşandan.

– Festîvala Fîlman a Navneteweyî ya Stenbolê îsal dê cara 39’emîn û weke online li ser înternetê bê li darxistin. Fîlmên ku di bernameya festîvalê de cih digirin, diyar bûn û tê de 15 fîlmên biyanî yên ku di çarçoveya Festîvalên Fîlman ên Cannes, Venedîk û Berlînê de hatine nîşandayîn jî hene.

Festîvala Fîlman a Stenbolê sala par hatiba li dar xistin, lê dîroka wê ji ber şert û mercên şewba coronayê hatibû taloqkirin. Festîval, ji bo sînemahezan her sal berhevokeke fîlmên biyanî amade dikin û îsal jî ji ber vîrusa coronayê, berhevoka festîvalê li ser înternetê dê di navbera 15-29’ê meha Gulanê de bê nîşandan. Di berhevoka festîvalê de îsal, 15 fîlmên biyanî yên ku di çarçoveya Festîvalên Fîlman ên Cannes, Venedîk û Berlînê de hatine nîşandayîn jî cih digirin.

Temaşavanên sînemayê dikarin bîlêtên fîlmên festîvalê li ser malpera filmonline.iksv.org’ê peyde bikin. Berhevoka fîlmên biyanî, weke binnivîs dê bêne nîşandayîn û bîlêtên festîvalê bisînor in.

Festîvala Fîlman a Stenbolê her sal ji aliyê Weqfa Çand û Hunerê ya Stenbolê (ÎKSV) û bi piştgirîya Wezareta Çand û Turîzmê ve tê li darxistin.

Fîlmên ku dê di çarçoveya bernameya 39’emîn Festîvala Fîlman a Stenbolê de bêne nîşandan:

“Berlin Alexanderplatz” / Derhêner: Burhan Qurbanî”You Will Die at Twenty” / Derhêner: Amjad Abu Alala”Sluzobníci” (Servants) / Derhêner: Ivan Ostrochovský”Un monde plus grand” (A Bigger World) / Derhêner: Fabienne Berthaud

“5 è il numero perfetto (5 Is the Perfect Number) / Derhêner:  Igort

“Es gilt das gesprochene Wort (I was, I am, I will be) Derhêner: İlker Çatak

“Litigante” / Derhêner: Franco Loli

“Swimming Out Till the Sea Turns Blue” / Derhêner: Jia Zhang-ke

“Schwesterlein” (My Little Sister / Derhêner: Stéphanie Chuat, Véronique Reymond

“Lillian” / Derhêner: Andreas Horvath

“Vrba” (Willow) / Derhêner: Milcho Manchevski

“1982” / Derhêner: Oualid Mouaness

“Walchensee Forever” / Derhêner: Janna Ji Wonders

“Martin Eden” / Derhêner:  Pietro Marcello

“Petite Fille” ( Little Girl) / Derhêner: Sébastien Lifshitz

Çavkanî: www.altyazi.net 

Nûçe – Sînemaya Serbixwe – www.sinemayaserbixwe.com