Çîroka Lêgeran û Rêwîtiyekê Dipdirêj: “Nêrîna Ulyssesê”
Li ser cîhanê, hevok û helbestên wisa henin ku bi peyvên xwe yên kêm û tiptije ve qala gelek tiştan ve dikin û wan jidil û ji nav jiyanê rave dikin… Stran, çîrok, hawar, lawij, kilam û govendên ên çaxê xwe û yên rojaneyê distrînin…
Bi peyvên xwe yên mayînde ve dibin dengên janên, hêviyên, rastînên, şadiyên û xiyalên ên hemû mezlûmên erdnîgariya cîhanê… Van hevokan di ser van de çend deman û sedsalan derbas dibin jî her tim û her wext rojane dimînin û dibin deng û awazên banga hemû mirovahîyê… “Nêrîna Ulyssesê” jî hem bi mijara xwe û hem jî bi çîroka xwe ya bêhempa û resen ve fîlmeke bi vî rengî ye…
Fîlmê “Nêrîna Ulyssesê” çîroka lêgeran û rêwîtiyekê dûvdirêj e û qala serpêhatiya Derhênerekî Yewnanîstanî re dike.. Di fîlmê “Nêrîna Ulyssesê” de, Derhênerê Yewnanistanê ku ji bo nîşandayîna fîlmê xwe ya dawî ji Amerîkayê hatiye welatê xwe, wî piştî demeke xwe di nava lêgeranekê de dibîne û li pey 3 fîlmên winda yên Derhênerên Mecaristanê “Birayên Manakis”ê ve diçe, di her cihan de rêçên wan lê digere û di vê rêwîtiyê de gelek tiştan dibîne, di dilê herîkina fîlmê de dengê zêmareke bi Kurdî tê bihîstin, dibe rengê hêviyê û hawara jiyanê… Çavên dilê heza evînekê wekî rengê biharê vedibe, şîn tê û mezin dibe…
Mijara fîlmê mîna xewneke dibihure û di herîkina fîlmê de mirov bêhn û hilma dîrokê, êşên jiyanê, çavên evînê û hezê, rûyê rastînê û rasthatinî, deng û rengên rêwîtiyekê dipdirêj dibîne, çîroka wê bi dilê zimanekî helbestkî û newayên muzîkê ve mirovê digre û digerine.. Mirov bi saya peyv, newa û dîmenên “Nêrîna Ulyssesê” ve; xwe, xwezaya jiyanê, dîrokê û rojaneyê kişf dike û ruh û canê rûyê rastînê dibîne…
— “Dema ku ez vegerim di ser min de dê cilên yekî/ê din bibe..
Ez ê bi navê yekî/ê din re bême gazî kirin..
Vegera min wekî dê bi rengekî ecêb bibe û te bi çavên biteredût re ji min binêrî û dê tu bibêje “Ew tu nîn e”..
Ez ê ji te re nîşanên wisa nîşan bidim ku tu ji min dê bawer bikî..
Ez ê ji te re behsa ji dara lîmonê ku li baxçeya te re bikim..
Piştre tu nîşanên beden û evînê ku ji paceya min a piçûk de bi tavehîvê re ronahî dibe, wê dê bibîne..
Ez ê ji te re qala çîroka bêdawî ya hemû mirovahiyê bikim…”
Helbest: Ji Pirtûka “Di Sînemayê de Pevxistina Diyalektik”…
“To Vlemma Tou Odyssea” (Nêrîna Ulyssesê / Ulis’in Bakışı / Ulysses’ Gaze) – 1995 / Derhêner: Theodoros Angelopoulos û Senaryo: Theodoros Angelopoulos, Tonino Guerra
Nivîs û Wergêr: Rûmet Med (Rûmet Onur Kaya)
Dîrok: 7’ê Meha Adarê 2017
Sînemaya Serbixwe – www.sinemayaserbixwe.com