Di dawîya hefteyê de fîlmê “Blue Beetle” li Amerîkayê bû yekemîn
Daneyên nû yên Box Officeê (USA) diyar bûn. Li gorî daneyên nû yên gîşeya Amerîkayê di navbera rojên 18-20ê Gelawêjê de, fîlmê Angel Manuel Sotoyî yê “Blue Beetle” li salonên sînemayê yên Amerîkayê bû yekemîn û di sê rojan de li vîzyonê 25 milyon dolar bidest xist. Fîlmê “Barbie” çar hefteyan li sînemayên Amerîkayê bû yekemîn.
“Blue Beetle” di 18ê mehê de ket vîzyonê û lêanîneke DC Comicsê ye. Senaryoya fîlmê ji alîyê Gareth Dunnet-Alcocer ve hate nivîsandin û lîstikvanên wekî Xolo Maridueña, Bruna Marquezine, Belissa Escobedo, George Lopez, Adriana Barraza, Elpidia Carrillo, Damián Alcázar, Raoul Trujillo, Susan Sarandon tê de lîstine.
Daneyên Gîşe yên Amerîkayê (18-20ê Gelawêjê, 2023)
1- Blue Beetle | 25 milyon dolar
2- Barbie | 22 milyon dolar, li seranserê cîhanê: 1 mîlyar û 279 milyon dolar
3- Oppenheimer | 11 milyon dolar, li seranserê cîhanê: 717.8 milyon dolar
4- Teenage Mutant Ninja Turtles: Mutant Mayhem | 8.4 milyon dolar
5- Strays | 8.3 milyon dolar
Çavkanî: Beyaz Perde
Sînemaya Serbixwe – www.sinemayaserbixwe.com