Dilê Wêneyên ‘Vincent Van Gogh’ê

                                                                         “Otoportre” (1887)

Wênesazê navdar ê cîhanê Vincent Willem Van Gogh, di dîroka 1853’yê de li Gundê bi navê Groot-Zundert’ê girêdayî herêma Brabanta Holendayê ji dayîk bû. Van Gogh Yek ji Wênesazên herî navdar ê rêbaza Post Empresyonîstê ye. Dayîka Van Goghê Bermalî, bavê wî Keşîşê Gundê bû û 3 zaroka qizîn û 3 zarokê kurîn, 6 zarokên wan hebûn.

                    “The Red Vineyard” (1888)

Vincent, ji ber hin sedeman jiyana xwe ya perwerdehiyê nîv hêla. Piştî çend salan li Hayeyê û paşê jî li Brukselê bavê wî ji bo wî di Galeriyên “Goupil”ê de kar peyda kir û di sala 1873’yê de jî ji şaxa Londonê hate pîşandin. Li Londonê bû dildar û xwest ku bizewice, lê teklîfa wî ne hate pejirandin û tengazar bû. Vincent piştî vê rewşê li Londonê dûr ketî û derbasî şaxa Parîsê bû. Li Parîsê jî hin nema û ji karê xwe derketî.

               “Wheatfield With Crows” (1890)

Demek bêkar ma, pişt re Alîkarîtiya Keşîşê, Pirtûkfiroşî, di Madenan de Keşîşî kir. Vincent Mirovekî baş bû, her tim xwest û hewlan dida ku alîkariya Gundiyan û Karkeran bike û Wênesaz Vincent gelek hate hez kirin. Di wêneyên wî de; kirûya Ked, Hez, Evîn, jiyanên Gundî û Karkeran, Azadî, Kolanên Rengîn, Xweza û Bergehan ciyekî girîng digirin.

                   “The Potato Eaters” (1885)

Birayê wî weke madî û manewî alîkariya Vincentê kir û wî xwe da Wênesaziyê û Wêneyên xwe yên herî serketî çêkirin û bû yek ji Wênesazên navdar ê cîhanê û bi wêneyên xwe yên resen û girîng ve bû nemir. Wênesaz Van Gogh, di jiyanê xwe ya hunerê de 860 boyaxa neftî, têhev 2.100 wêneyan çêkirin û piraniya wan ev du salên dawiya jiyans xwe de afirandin.

                    “Almond Blossom” (1890)

Vincent Van Gogh, di jiyanê xwe de gelek tengayiyan dîtin û pir caran nexweş ketî û dildariyên wî bêgerew man. Çîroka jiyana Van Gogh, weke Roman hate nivîsandin, bû Belgefîlm, gelek Fîlm û lîstikên Şanoyê. Li ser cîhanê bêhejmar texlîdên berhemên wî hatin çêkirin. Wênesazê navdar, di 29’ê Tîrmeha 1890’ê de jiyana xwe ji dest da.

      “The Starry Night Over the Rhône” (1888)

Ji sala 1948’ê heta roja me li ser jiyan û hunera Van Goghê gelek fîlm hatine kişandin. Di van salên dawiyê de fîlmên ku di der heqê Wênesazê navdar ê cîhanê Vincent Van Goghê de hatine kişandin; “Loving Vincent” (2017) û “At Eternity’s Gate” (2018) derdikevin pêş.

Fîlmê “Loving Vincent” qala salekê ku piştî li ser mirina Van Goghê derbas bûyî, dike û Fîlm ji 65 hezar lewheyên (tablo) ku ji aliyên 115 Wênesazan ve hatine çêkirin, pêk tê…

Ji wêneyên Van Gogh’ê bandora rêbaza Post Empresyonîzmê ciyekî girîng digire û diyarker e.. Vincent Van Gogh, wênesazekî navdar bû, di jiyana xwe de gelek jan û êşan kişandiye û hêviya dilê wî hertim zîndewer bûye..

“Loving Vincent” (2017) / Derhêner: Dorota Kobiela, Hugh Welchman û Senaryo: Dorota Kobiela, Hugh Welchman, Jacek Dehnel

Fîlmê bi navê “At Eternetiy’s Gate” (Li Deriyê Bêdawîtiyê) ku behsa rojên dawî yên jiyana Wênesazê mezin Vincent Van Gogh’ê re dike, di dîroka meha Reşemî (Sibat) ya 2018’ê de ketibû vîzyonê.

Derhêner: Julian Schnabel û Senaryo: Julian Schnabel, Jean-Claude Carrière

 

Nivîs: Rûmet Med (Rûmet Onur Kaya)

Dîrok: 30’yê meha Rêbendanê – 2019

Çavkanî: https://www.vangoghmuseum.nl/en/

Vincent Van Gogh Hayatı

Wêneyên din ên Van Gogh:
https://www.vangoghmuseum.nl/en/search/collection?Q=painting

Share This
COMMENTS

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir

%d blogcu bunu beğendi: