Du fîlmên Kurdî li festîvalên fîlman xelat girtin

Du fîlmên kurdî li bernameyên Festîvala Fîlman a MyArtê û Festîvala Kurtefîlman a Îzmîrê xelat girtin û fîlmê kurdî “Navber” di beşa Panoramayê de hate nîşandan.

Belgefîlmê “Diyalog” ku ji aliyê derhêner Selîm Yildiz ve hatiye kişandin, li bernameya Festîvala Kurtefîlman a Navneteweyî ya MyArtê li Cosenzaya Îtalyayê (5-9’ê Mijdarê), xelata Fîlmê Herî Serketî yê Sprarê girt.

Kurtefîlmê “Barê Giran” yê derhêner û akademîsyen Yilmaz Ozdîlî li bernameya Festîvala Kurtefîlman a Navneteweyî ya Îzmîrê (4-10’ê Mijdarê), xelata Kurtefîlmê Neteweyî yê Sêwirî yê Herî Serketî girt.

Kurtefîlmê “Navber” yê derhêner Kadîr Emanî di beşa Berhevoka Fermî ya Panoramaya Neteweyî ya Festîvala Kurtefîlman a Îzmîrê de hate nîşandan û kete pêşbaziyê.

Her sê fîlmên bi kurdî “Diyalog”, “Barê Giran” û “Navber” di bernameyên gelek festîvalên fîlman de hatin nîşandan û xelat girtin.

Nûçe – Sînemaya Serbixwe – www.sinemayaserbixwe.com