Federico Fellini di 100 saliya xwe de

Hosteyê mezin ê dîroka sînemayê Federico Fellini, îsal di 100’emîn saliya xwe de. Ji bo salvegera rojbûna derhênerê navdar ê Îtalyayê Fellini, li gelek herêmên cîhanê bi rêzeke çalakiyan bête bibîranîn.

20’ê meha Rêbandana sala 1920 rojbûna hosteyê mezin ê hunera sînemayê Federico Fellini ye û di vê çarçoveyê de, di nava sala 2020’ê de, ji bo 100’emîn rojbûna derhêner Felliniyî li seranserî cîhanê, rêzeke çalakiyan bêne li darxistin.

Li gorî nûçeya ku di kovara Altyazi’yê de cih digire, ji bo 100’emîn rojbûna derhêner Fellini li gelek herêmên cîhanê, rêzeke çalakîyan bêne lidarxistin.

Çalakiya yekem a bo bîranîna derhêner Federico Fellini hatiye amadekirin, di dîroka 20’ê Rêbandanê de, li bajarê Riminiya Îtalyayê ku Federico Fellini têde hatibû dinê, di muzeya Federico Fellini ya Navneteweyî de bête li darxistin. Muzeya Servekirî, gelek cihên navenda bajarê Rimiyê digire nav xwe û têde kelayeke Serdema Navîn ku ji bo pêşengeha bi navê ‘Fellini 100 and The Dolce Vita’ hatibû tehsîs kirin, jî heye.

Ji aliyê mîmar Renzo Renzo re, hin enstelasyon û ekrana lîkît ji bo bîranîna Federrico Fellini hatine çêkirin û retrospektifên fîlmên wî, li Academy Museum of Motion Picturesê bêne pêşandan. Bernameya guhêzbar (seyar) a muzeyê diçe li gelek cihên cîhanê û li saziyên sînemayê derdikeve li pêşberî hunerhezan.

Sêwirinerê produksiyonê Dante Ferreti li bajarê Romayê bi Federico Fellini re ji bo gelek fîlman hevkarî kirine û entelasyoneke ku ji aliyê Ferretti re hatiye sêwirandin û stûdyoya bi navê ‘Cinecittà’ ku ji aliyê Fellini bi dehan salan hatiye bikar anîn, li Teatro 5’ê bêne pêşandan.

Londonê Enstîtuya Fîlman a Brîtanyayê (British Film Institute) bernameya nîşandana fîlmên Federico Fellini amadekirine û wê bername du mehan bidome.

Fîlmê “La Dolce Vita” (1960) yê Federico Fellini, di çarçoveya 100’emîn saliya wî hatiye restorekirin û li gelek welatan di meha Adarê de bêne nîşandan.

Derhênerê navdar ê Îtalyayê Federico Fellini, mora xwe da li hunera sînemayê û di dîroka 31’ê meha Cotmeha 1993’ê de jiyana xwe ji dest da. Derhêner, li seranserî cîhanê, bi fîlmên xwe yên wekî; “Lo Sceicco Bianco” (1952), “La Strada” (1954), “I Vitelloni” (1953), “İl Bidone” (1955), ” Le Notti di Cabiria” (1957), “La Dolce Vita” (1960), “8½: Otto e Mezzo” (1963), “Giulietta Degli Spiriti” (1965), “Roma” (1972), “Amarcord” (1973), “E La Nave Va” (1983) û “Ginger e Fred” (1986) ve tê naskirin.

Nûçe-Nivîs: Rûmet Med

Sînemaya Serbixwe – www.sinemayaserbixwe.com

Share This
COMMENTS

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir

%d blogcu bunu beğendi: