Festîvala Fîlman a Gûzika Zêrîn a Edeneyê di Îlonê de li dar dikeve

Festîvala Fîlman a Gûzika Zêrîn a Edeneyê ji aliyê Şaredarîya Bajarê Mezin ê Edeneyê ve tê lidarxistin ku îsal cara 29emîn derdikeve li pêşberî sînemahezan. Serîlêdanên festîvalê jî destpê kiriye û derhêner dikarin dê heta dîroka 5ê meha Gelawêjê fîlmên xwe bişînin li navnîşana festîvalê.
Sala para li 28emîn Festîvala Fîlman Gûzika Zêrîn a Edeneyê de derhênerê kurd Mehmet Alî Konar bi fîlmê xwe yê “Govenda Alî û Dayka Zîn” re Xelata Yilmaz Guneyê û Tûfan Taştan bi fîlmê xwe yê “Sen Ben Lenîn” re Xelata Temaşevanên Edeneyê girtin.
Di bernameya festîvalê de îsal Pêşbirka Metrajdirêj a Neteweyî, Pêşbirka Belgefîlman, Pêşbirka Kurtefîlman a Navneteweyî, Pêşbirka Kurtefîlman a Xwendar a Netewî û Pêşbirka Kurtefîlman a Edeneyê cih digirin.

Li çarçoveya Festîvala Fîlman a Gûzika Zêrîn a Edeneyê; dê beşên berhevoka sînemaya cîhanê, berhevokên nîşandanên taybet, nîşandanên belgefîlman, hevpeyvîn, xebatên kargehan, sempozyûma sînemayê û pêşangehên çand-hunerê jî bêne lidarxistin.

Ji bo agahî: altinkozaff.org.tr

Sînemaya Serbixwe – www.sinemayaserbixwe.com

Share This
COMMENTS

Bir cevap yazın

E-posta hesabınız yayımlanmayacak.

%d blogcu bunu beğendi: