Festîvala Fîlman a Silêmaniyê hat betalkirin

Festîvala Fîlman a Navneteweyî ya Silêmaniyê îsal cara 5’emîn di meha Cotmehê de hatiba li darxistin, lê ji ber şewba koronayê hat betalkirin.

5’emin Festîvala Fîlman a Navneteweyî ya Silêmaniyê jî îsal ji ber virûsa koronayê û îhtimala pêla diduyan a şewba koronayê hat betalkirin. Li gorî nûçeya ku di malpera Diyarname.com’ê de hatiye weşandin, bernameya festîvalê îsal ji ber koronayê wê neyê kirin.

Komîteya amadekar a 5’emîna Festîvala Filman a Navneteweyî ya Silêmaniyê daxuyaniyek da û gotin ku îsal ji ber vîrusa koronayê îsal festîvalê betal kirine.

Di çarçoveya bernameya festîvalê de her sal gelek kurtefîlm, belgefîlm û metraj dirêj ên bi Kurdî û biyanî têne nîşandan û di gelek beşan de dikevin pêşbaziyê.

Nûçe – Sînemaya Serbixwe – www.sinemayaserbixwe.com