Festîvala Fîlman a Yilmaz Guneyê ji nû ve dest pê dike
8’emîn Festîvala Fîlman a Yilmaz Guneyê di navbera dîrokên 26’ê Reşemî û 1’ê Adara 2020’ê de, ji bo bîranîna derhênerê nemir ê kurd Yilmaz Guneyî li Êlihê tê lidarxistin
Şaredariya Batmanê, Navenda Çanda Bahar, Yeni Sînema Kolektîfî BART (Komeleya Çand û Huner a Batmanê) û Yenî Sahneyê, di navbera 26’ê Reşemî û 1’ê Adarê de 8’emîn Festîvala Fîlman a Yilmaz Guneyê li dar dixe. Bo festîvalê serîlêdanên fîlman dest pê kiriye û dê heta 25’ê Rêbandanê bidome.
Bi beşdariya Hevşaredarên Batmanê Songul Korkmaz û Dr. Mehmet Demir di der barê festîvalê de agahî hate dayîn. Cîgera Şaredarê Şehrîban Aydin di daxuyaniya çapemenîyê de ragihand ku “Armanca me, ji bo projeyên sînemavanên ciwan û xwendakar afirandina dorhêleke ye û bal kişand li ser rewşa huner û sînemayê. Aydin eşkere kir ku dê di bernameya festîvalê de ji gelek cihên cîhanê; fîlmên dirêj, kurtefîlm û belgefîlm bêne nîşandan û dê panel, bi beşdariya derhêner û lîstikvanên fîlman hevpeyvîn û xebatên atoleyeyan jî cih bigirin.
Şehrîban Aydin got “Îsal dê beşên pêşbirkê bêne rakirin û di şûna vê de ji bo belgefîlm û kurtefîlman beşên pêşxistin û piştgirîyê hatine amade kirin. Di çarçoveya beşên Piştgirî û Pêşxistina Belgefîlman de bo du projeyan 10.000 TL û di çarçoveya beşên Piştgirî û Pêşxistina Kurtefîlman de bo du projeyan 10.000 TL dê piştgirî bidin.
Derhêner û sînemavan dikarin projeyên xwe heta 25’ê Rêbendana 2020’ê bigehînin/bişînin li festîvalê.
Ji bo agahî û têkilî: www.yilmazguneyfilmfestivali.com
Nûçe – Sînemaya Serbixwe – www.sinemayaserbixwe.com