Fîlmê “Dolor y Gloria” dê di 11’ê Cotmehê de bikeve vîzyonê

Fîlmê nû yê Derhênerê navdar ê Îspanî Pedro Almodóvar “Dolor y Gloria” dê di dîroka 11’ê meha Cotmehê de bikeve vîzyonê û têde lîstikvanên wekî Antonio Banderas, Penélope Cruz, Cecilia Roth, Susi Sánchez, Asier Etxeandia, Leonardo Sbaraglia, Eva Martín û Julieta Serrano dilîzin.

Fîlmê “Dolor y Gloria” ji aliyê derhênerê navdar ê Îspanî Pedro Almodóvar re hatiye nivîsandin û kişandin, qala rojên zarokatî û bîranînên derhêner Salvador Mallo re dike û çîroka koça malbata wî, evîn û veqetana wî û jiyana sînemaya wî nîşan dide û di navbera rabirdû û îro de diçe û tê. “Dolor y Gloria” li Îspanyayê di dîroka 13’ê Adarê de ketibû vîzyonê û lîstikvanê fîlmê, Antonio Banderas di Bernemaya 72’yemîn Festîvala Fîlman a Navneteweyî ya Cannes’ê de Xelata “Lîstikvanê Herî Serketî” wergirt.

Li gorî nûçeya Filmloverss’ê ku ji malpera IndieWire’ê hatiye wergerandin, Derhênerê navdar Pedro Almodóvar li ser 3 fîlmên nû dixebitî, yek ji van weke îngilîzî dê bê kişandin û di heman demê de derhêner cara yekem fîlmeke bi îngîlîzî dê bikişîne.

Derhênerê navdar ê Îspanî Pedro Almodóvar bi fîlmên xwe yên wekî “Hable Con Ella”, “La ley del deseo”, “Mujeres al Borde de un Ataque de Nervios”, “Tacones lejanos” “Todo sobre mi madre”, “La Mala Educacion”, “Volver”, “Los Abrozos Rotos”, “La piel que habito”, “Los amantes pasajeros” ve tê naskirin û derhêner di 76’emîn Festîvala Fîlman a Navneteweyî ya Venedîkê de Xelata “Serketina Di Hemû Jiyanê” wergirtibû.

Nûçe: Rûmet Med

Sînemaya Serbixwe – www.sinemayaserbixwe.com

Share This
COMMENTS

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir

%d blogcu bunu beğendi: