Fîlmên Venezuellayê têne nîşandayîn

Di navbera 17-31’ê mehê de beşek ji fîlmên Sînemaya Venezuellayê têne nîşandayîn.

Akbank Sanat bi hevkariya Balyozxaneya Komara Venezuellaya Bolîvarî ya Tirkieyê pênc fîlmên bijare ji sînemaya Venezuellayê li Stenbolê pêşkêş dike. Zimanê fîlman bi spanyolî û bi jêrnivîsa tirkî têne pêşkêş kirin. Fîlmên li Aksanatê bilêtên wan bi 5 TL’yî ne.

Vaye bername:

17 Tîrmeh, saet 19.00

– Hermano / Bira

Derhêner: Marcel Rasquin

Lîstikvan: Fernando Moreno, Eliú Armas, Alí Rondón

Sazkirin û Format: Venezuela, 2010, 96’, blu-ray

Mijar: Fîlmê “Bira” çîroka du birayên li taxa Karakas dijîn û hezkiriyê fûtbolê ne nîşan dide. Fîlm li Festîvala Moskovayê bi Xelata Azîz Georgiy a Zêrîn hatibû xelatkirin.

20 Tîrmeh, saet 15.00

– Azul y No Tan Rosa / Hêşîn ne zêde helesor e

Derhêner: Miguel Ferrari

Lîstikvan: Guillermo Garcia, Ignacio Montes, Hilda Abrahamz

Sazkirin û Format: Venezuela, 2012, 120’, blu-ray

Fotografkêşekî jîr Digeo diçe cem hevalê xwe yê Fabrizio û bi hev re dijîn lê ji nişke ve kurê Fabrizio yê li Spanyayê dijî û ji zûde nedîtiye derdikeve holê.

24 Tîrmeh, Saet 19.00

– Azu

Derhêner: Luís Alberto Lamata

Lîstikvan: Freddy Aquino, Pedro Durán, Carmen Francia

Sazkirin û Format: Venezuela, 2013,100’, blu-ra

Di salên 1780’yan de komek kole ji cotgehê direvin û ji bo xwe cihekî azad digerin. Lê Manuel Aguirre ku çavberdaye koleya delal Azu dikeve dû wan. Fîlm ligel aksiyonê di heman demê de têkoşîna nasnameyê ya Azu nîşan dide.

27 Tîrmeh, Saet 15.00

– Pelo Malo / Porê Nexweşik

Derhêner: Mariana Rondón

Lîstikvan Samuel Lange Zambrano, Samantha Castillo, Beto Benites

Sazkirin û Format: Venezuela, 2013, 93, blu-ray

Junior zarokek 9 salî ye ku “porê wî yê nexweşik” heye. Ji bo wênekişandina li dibistanê dixwaze porê xwe sererast bike. Bi vî awayî dê wekî stranbêjek navdar bixuye. Diya Junior Malta dijî vê yekê derdikeve.

31 Tîrmeh, Saet 19.00

– La Casa Del Fin de Los Tiempos / Mala li dawiya zemanê

Derhêner: Alejandro Hidalgo

Lîstikvan: Miguel Angel Pacheco, Rosmel Bustamante, Adriana Calzadilla

Sazkirin û Format: Venezuela, 2013, 97’, blu-ray

Dulce dayikek e. Li mala ku ew lê mezin bûye sêhrek çêbûye û bûye şahida karesatek. Piştî 30 salan ku Dulce êdî pîr bûye lê ji bo fêmkirina wê razberî û trajediyê li mala xwe vedigere. Film li Festîvala Fîlmên Tirsnak a li Los Angelesê Xelata Fîlmê Herî Serketî girtibû.

Çavkanî: www.Diyarname.com

COMMENTS

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir

%d blogcu bunu beğendi: