“Heft Senfonîyên Zagrosê” li Festîvala Kurtefîlman a Dostanî ya Kizilayê xelat girt

5emîn Festîvala Kurtefîlman a Dostanî ya Kizilayê di rojên 22-25ê Berfanbara 2022yê de hate lidarxistin ku xelatên festîvalê jî diyar bûn. Kurtebelgefîlma derhênerê kurd Perwîz Rostemî ya “Heft Senfonîyên Zagrosê” xelata ‘Nerîna Mirovî ya Kizilayê’ girt.

Festîvala Kurtefîlman a Dostanî ya Kizilayê cara pêncemîn derket li pêşberî temaşevanên sînemayê, ji 27 welatên cîhanê 48 kurtefîlm û 16 belgefîlm di çarçoveya festîvalê de hatin nîşandayîn. Xelatên festîvalê bi merasimek li Sînemaya Atlas 1948ê hate eşkerekirin. Derhênera Şîlîyî Katerina Harder bi fîlmê “Estrellas del desierto” û derhênerê tirk Kasim Ordek bi fîlmê “Birlikte, Yalnız” ve xelata ‘Fîlmê Herî Serketî’ girtin. Kurtebelgefîlma derhênerê kurd Perwîz Rostemî ya “Heft Senfonîyên Zagrosê” xelata ‘Nerîna Mirovî ya Kizilayê’ girt. Îsal derhêner Ebrû Ceylan seroka jurîyê bû û ji 10 welatên cîhanê 14 kurtefîlm di beşên “Panorama” û “40 Yillik Hatir” de ketin pêşbazîyê.

Bernameya festîvalê ji aliyê Heyva Sor a Tirk ve, bi piştgirîya Wezareta Çand û Tûrîzmê û Gerînendetiya Giştî ya Sînemayê û Halk Bankê tê lidarxistin.

Xelatên 5emîn Festîvala Kurtefîlman a Dostanî ya Kizilayê:

Xelata Fîlmê Herî Serketî: “Estrellas del desierto” / Derhêner: Katerina Harder. “Birlikte, Yalnız” / Derhêner: Kasim Ordek

Xelata Nerîna Mirovî: “Seven Symphonies of Zagros” / Derhêner: Perwîz Rostemî

Xelata Mansîyonê: “Vraj” / Derhêner: Agnieszka Nowosielska

Xelata Dostanî ya Neşet Ertaşî: “Îstanbûl, Îstanbûl” / Derhêner: Demîr Ozcan

Xelata Jurîyê ya Taybet: “End of September” / Derhêner: Valentina Casadei

Xelatên Rûmetê: Ayla Algan û Yûsûf Sezgîn

Xelata Post Produksiyona Fono Filmê: “Babamin Oldugu Gun” / Derhêner: Emre Sefer

Sînemaya Serbixwe – www.sinemayaserbixwe.com

 

COMMENTS

Bir yanıt yazın

E-posta adresiniz yayınlanmayacak. Gerekli alanlar * ile işaretlenmişlerdir