Îtalya de salonê sînema benê a

Semedê vîrusê korona heme welatan de salonê sînema hameybî girotişî, Îtalya de zî. Enka Îtalya biryar da ke salonan akerê.

Miyanê welatanê Ewropa de yew welat zî Îtalyawa ke salonê sînema tede zahf ê. Ewca aşmey adarî ra salonê sînema giroteyê. Enka hikumetê Îtalya biryar da ke 15’ê aşmey vernî ma de salonê bîrê akerdişî. Go salonî bibê a la nê zey verî, bi sîstemo newe go abê. Di miyanê her temaşevanî/e de go kursî ke venge bo û bilêtî zî bi online verî go bêrê rotişî.

Di miyanê welatanê Ewropa de tefr zahf salonî Fransa de estê, dimara bi rêze Almanya, Spanya, Îngilistan û Îtalya yena ke di rêzey 5’inan de wa. Îtalya de dewrê 4 hezar hebî salonê sînema estê.

Welatanê Ewropa de semedê vîrusî heme festîvalê sînema zî hameybî betalkerdişî. Îtalya de festîvala pîle Festîvala Fîlman Venedîkî ya ke emsar 77’inan rey virazêna. Semedê vîrusê ê zî kewtî tatêle ka virazê ya nê, la heta enka qalê betalkerdişê ay nîno kerdiş. Ger vîrus dewam nêkero Festîvala Venedîkî go miyanê 2-12’yê aşmey newinan de viraziyon.

Çavkanî: www.Diyarname.com

Sînemaya Serbixwe – www.sinemayaserbixwe.com

Share This
COMMENTS

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir

%d blogcu bunu beğendi: