Ji fîlmê “Anatomy of a Fall” fragman hate weşandin

Ji fîlmê derhêner û senarîsta fransî Justine Trietê yê “Anatomy of a Fall” (Anatomie d’une chute) fragman hate weşandin. Fîlm, qala çîroka Sandra, Samuel û kurê wan ê Danielî dike û li ser pêvajoya dadgehê disekine. Senaryoya “Anatomy of a Fall”ê jî derhêner bixwe nivîsîye ku tê de lîstikvanên wekî Sandra Hüller, Arthur Harari, Milo Machado Graner, Swann Arlaud, Jehnny Beth, Samuel Theis, Antoine Reinartz, Sophie Fillières, Saadia Bentaïeb cî girtine.

Fîlmê “Anatomy of a Fall” ji 76emîn Festîvala Fîlman a Navneteweyî ya Cannesê xelata ‘Palmiyeya Zêrîn’ girtibû. Hate ragihandin ku fîlm dê di dîroka 23yê meha Gelawêjê de bikeve vîzyonê.

Sînemaya Serbixwe – www.sinemayaserbixwe.com