Ji fîlmê “Bob Marley: One Love”ê fragmana yekem hate weşandin
Fîlmê “Bob Marley: One Love” ji alîyê derhêner King Richard ve hate kêşandin ku li ser jiyana hunermendê navdar ê Jamaîkayî Bob Marleyî disekine. Ji fîlmê fragmana yekem hate weşandin.
Bob Marley stranên xwe bi şêweya reggaeyê strandine û li seranserê cîhanê navdar e. Hunermend, heta niha ji zêdetirî 130 plak weşandine û bi sedan stranên wî hene. Bob Marley, di sala 1981ê de jiyana xwe ji dest dabû, çend caran jiyana wî weke fîlm û belgefîlm hatibû kêşandin. Jiyana Bob Marleyî ji nû ve bû fîlm û ji fîlmê fragmana yekem hate parvekirin. Lîstikvan Kingsley Ben-Adir bi rola Bob Marleyî û lîstikvan Lashana Lynch bi rola hevsara Marleyî ya Rîtayê di fîlmê de cî girtin.
Senaryoya fîlmê Terence Winter nivîsîye û bi çêkerîya Paramount Picturesê hate kêşandin. Lîstikvanên wekî Jesse Cilio, James Norton, Michael Gandolfini, Nadine Marshall û Anthony Welsh jî di fîlmê “Bob Marley: One Love” de listige. Fîlmê weke muzîkal û dram hatiye kêşandin.
Hate ragihandin ku fîlmê “Bob Marley: One Love” dê di 12ê Rêbendana 2024ê de bikeve vîzyonê.
Sînemaya Serbixwe – www.sinemayaserbixwe.com