Ji fîlmê “Joker: Folie à Deux”ê dîmenên nû hate parvekirin
Fîlmê derhênerê navdar Todd Phillipsî yê “Joker: Folie à Deux” weke fîlmê duyem ê “Joker”ê hate kêşandin û ji dîmenên nû hate parvekirin. Fîlmê nû yê rêzeya “Joker”ê dê di 4ê Cotmeha 2024ê de bikeve vîzyonê.
Derhêner Todd Phillips li ser hesabê xwe yê Instagramê ji fîlmê du wêne parve kir û got, “Ji her kesî re betlaneyeke bextewar û saleke nû ya xweş dixwazim.” Senaryoya “Joker: Folie à Deux”ê ji alîyê Paul Dini, Bill Finger, Bob Kaner ve hatiye nivîsandin û fragmana yekem a fîlmê hêj nehate weşandin. Fîlmê nû, hema hema li Gotham Cityê derbas dibe û ji hêmanên muzîkî pêk tê.
Hunermenda navdar û xelatgir Lady Gaga, lîstikvanê navdar ê sînemayê Joaquin Phoenix, Zazie Beetz, Brendan Gleeson, Catherine Keener, Jacob Lofland, Harry Lawtey jî di “Joker: Folie à Deux”ê de lîstine û muzîkên fîlmê ji aliyê bestekara xelatgir Hildur Gudnadóttir ve hatine çêkirin.
Lîstikvanê sînemayê Joaquin Phoenix bi fîlmê “Joker” re ji Xelatên Oscarê xelata ‘Lîstikvanê Herî Serketî’ girtibû û “Joker” (2019) li sînemayên seranserê cîhanê bi tevahî 1 milyar dolar qezenc kiribû.
Sînemaya Serbixwe – www.sinemayaserbixwe.com