Ji fîlmê “Rebel Moon – Part 2″yê fragmana yekem hate weşandin
Fîlmê derhêner Zack Snyderî yê “Rebel Moon” ji du beşan pêk tê û weke dastaneke pevxistina zanistî hatiye kêşandin. Ji fîlmê “Rebel Moon – Part 2: The Scargiver”ê fragmana yekem hate weşandin, dê di 19ê Avrêla 2024ê de li hemû dinyayê bikeve vîzyonê.
Di herikîna fîlmê “Rebel Moon – Part 2: The Scargiver”ê de karakter wê rastî li rastîyên rabirdûyên xwe bibin û ji bo çi têdikoşin derbikeve holê. Beşa yekem a rêzeyê “Rebel Moon: Part One – A Child of Fire” di 22yê mehê de li ser Netflixê hate weşandin. “Rebel Moon” weke projeyeke Star Warsê destpê kiribû, lê ji bo gerdûna Star Warsê nehatibû qebûlkirin. Mijara “Rebel Moon: Part One – A Child of Fire”yê li herêmeke galaksîyê derbas dibe û çîroka kolonîyeke aşîtîxwaz tîne li ser perdeya spî.
Senaryoya fîlmê duyem jî Shay Hatten, Kurt Johnstad û Zack Snyder bi hev re nivîsandine û lîstikvanên wekî; Sofia Boutella, Ed Skrein, Jena Malone, Cleopatra Coleman, Charlie Hunnam, Staz Nair, Djimon Hounsou, Michiel Huisman, Fra Fee, Anthony Hopkins, Bae Doona, E. Duffy, Cary Elwes, Ray Fisher, Charlotte Maggi, Corey Stoll, Savanna Gann, Stuart Martin tê de dilîzin.
“Rebel Moon Part 1: A Child of Fire” di 15ê Berfanbarê de li hin salonên sînemayê yên Amerîkayê ket vîzyonê, di 22ê mehê de li ser platforma Netflixê hate nîşandayîn. Beşa duyemîn ya fîlmê “Rebel Moon Part 2: The Scargiver” dê di 19ê Avrêla 2024ê de bikeve vîzyonê û paşê jî li ser Netflixê derbikeve li pêşberî temaşevanan.
Sînemaya Serbixwe – www.sinemayaserbixwe.com