Ji fîlmê “Rebel Moon: Part One – A Child of Fire”yê fragmana yekem hate parvekirin
Fîlmê derhêner Zack Snyderî yê “Rebel Moon” ji du beşan pêk tê û weke dastaneke pevxistina zanistî hatiye kêşandin. Ji fîlmê “Rebel Moon: Part One – A Child of Fire”yê fragmana yekem hate weşandin.
“Rebel Moon” weke projeyeke Star Warsê destpê kiribû, lê ji bo gerdûna Star Warsê nehatibû qebûlkirin. Ji ber vê yekê weke fîlmekî serbixwe hate kêşandin. Fragmana fîlmê cara yekem li Şeva Destpêk a Gamescomê derket li pêşberî temaşevanan*. Mijara “Rebel Moon: Part One – A Child of Fire”yê li herêmeke galaksîyê derbas dibe û çîroka kolonîyeke aşîtîxwaz tîne li ser perdeya spî.
Senaryoya fîlmê nû Shay Hatten, Kurt Johnstad û Zack Snyder bi hev re nivîsandine û lîstikvanên wekî; Cleopatra Coleman, Charlie Hunnam, Sofia Boutella, Djimon Hounsou, Michiel Huisman, Jena Malone, Cary Elwes, Ray Fisher, Corey Stoll, Alfonso Herrera, Stuart Martin, Kingston Foster, Ingvar Sigurdsson, Fra Fee û Staz Nairg tê de dilîzin.
“Rebel Moon Part 1: A Child of Fire” wê di 22ê meha Berfanbarê de li hin salonên sînemayê bikeve vîzyonê û beşa duyemîn ya fîlmê “Rebel Moon Part 2: The Scargiver” jî dê di 19ê Avrêla 2024ê de derbikeve li pêşberî sînemahezan. Fîlm, piştî nîşandayîna sînemayê li ser platforma Netflixê jî dê bê weşandin.
Sînemaya Serbixwe – www.sinemayaserbixwe.com