Ji fîlmê “The Creator”ê fragmana dawî hate parvekirin
Fîlmê derhêner Gareth Edwarsî yê “The Creator” çîroka mirovekî tîne li ser perdeya spî ku di navbera şerê mirovan û hêzên hişê çêkirî de maye. Ji fîlmê fragmana dawî hate weşandin û dê di 29ê Îlonê de li hemû cîhanê bikeve vîzyonê.
Senaryoya “The Creator” ji alîyê Gareth Edwards ve hatiye nivîsîn û lîstikvanên wekî; John David Washington, Ken Watanabe, Sturgill Simpson, Allison Janney û Madeleine Yuna Voyles di fîlmê pevxistina zanistî de cî girtine. Mijara fîlmê di dahatûyê de diqewime, qala şerê nîjada mirovan û hêzên hişê çêkirî dike. Mijara hişê çêkirî bi taybetî di van salên dawî de ji bo teknolojî, wêje, zanist, sînemayê û gelek qadên din mijareke gelek balkêş e.
Derhênerê navdar Gareth Edwars bi fîlmên xwe yên wekî; “Godzilla” (2014) û “Rogue One: A Star Wars Story” (2016) ve tê naskirin.
Sînemaya Serbixwe – www.sinemayaserbixwe.com