Ji fîlmê “The Marvels”ê afîş û fragman hatin weşandin

Fîlmê “The Marvels” bi derhênerîya Nia DaCostayî hate kêşandin ku dê di 10ê meha Mijdarê de li Amerîkayê û li hemû cîhanê bikeve vîzyonê. Ji fîlmê afîş û fragman hatin weşandin.

“The Marvels” di meha Mijdarê de bi dirûşma “Bi hev re ji bilindtir, dûrtir ve û zûtir” derdikeve li pêşberî temeşavanên sînemayê. Fîlm, ji alîyê Marvel Studiosê ve hatiye çêkirin û qala çîroka sê jinan dike. Sê jin, wê piştî bûyerekê hêzên xwe bikin yek û bi hev re li dijî tarîtîya talûkeyê derbikevin. Ligel karakterên Kamala Khan, Carol û Captain Rambeau, karakterên wekî Captain Marvel û Nick Fury jî di fîlmê de cî digirin.

Senaryoya fîlmê “The Marvels”ê Nia DaCosta, Elissa Karasik, Megan McDonnell, Zeb Wells bi hev re nivîsîne û tê de lîstikvanên Brie Larson, Teyonah Parris, Iman Vellani, Samuel L. Jackson, Zawe Ashton û Park Seo-joon lîstine.

Sînemaya Serbixwe – www.sinemayaserbixwe.com