Ji sînemahez Sabahattîn Çelîkî kurtevîdyoyeke nû ya li ser fîlmê “Amour”

Sînemahezê kurd Sabahattîn Çelîk, kurtevîdyoyên şîrove yên fîlmên sînemayê yên bi Kurdîya Kurmancî amade dike û li ser hesabê xwe yê Youtubeê parve dike. Çelîk, di vîdyoya xwe ya dehemîn de hest û ramanên xwe yên di derbarê fîlmê derhênerê navdar ê Awistiryayî Michael Haneke yê “Amour”ê (2012) de anîye ziman.

Senaryoya “Amour”ê sînemagerê hoste Michael Haneke bixwe nivîsîye û lîstikvanên Jean-Louis Trintignant, Emmanuelle Riva, Isabelle Huppert di fîlmê de lîstine. Fîlm, Festîvala Fîlman a Navneteweyî ya Cannes, Xelatên César, Xelatên BAFTA, Xelatên Fîlman a Ewropayê jî tê de li gelek festîvalên fîlman hate nîşandayîn û di gelek beşan de xelat girtin.

Sabahattîn Çelîk, heta niha li ser kanala xwe ya Youtubeê vîdyoyên şîrove yên di derbarê fîlmên “Amélie” (2001), “Cast Away” (2000), “Inception” (2010), “Taxi Drive” (1976) û “A Beautiful Mind” (2001), “Rê/Yol” (1982), “A Clockwork Orange” (1971) û “About Elly” (2009) de weşandine. Çelîk, di yekem vîdyoya şîroveya xwe de li ser fîlmê derhênerê navdar ê sînemayê Abbas Kîarostamî yê “Khane-ye Doust Kodjast?” (1987) bi Tirkî axivîbû. Sînemahez Sabahattîn Çelîk, vîdyoyên şîrove yên li ser fîlmên sînemayê bi kalîteya 4Kyê diweşîne û ragihandibû ku dê li ser hin fîlmên din ên derhêner-lîstikvanê navdar ê kurd Yilmaz Guneyî û kurtefîlmên Sînemaya Kurdî jî vîdyoyên şîrove amade bike û li ser kanala xwe ya Youtubeê biweşîne.

Sînemaya Serbixwe – www.sinemayaserbixwe.com