Kurtebelgefîlma “Taqîgeha Jimare 2” dê li Sheffield DocFestê bê nîşandan
29emîn Festîvala Belgefîlman a Navneteweyî ya Sheffieldê (DocFest) îsal di navbera dîrokên 23-28ê Pûşberê de li Sheffielda Îngilistanê derdikeve li pêşberî sînemahezan. Di bernameya Sheffield DocFestê de kurtebelgefîlma “Taqîgeha Jimare 2” (Laboratuvar No.2) jî cîh digire ku ji aliyê derhênerên kurd Îdrîs Ebdî û Aware Omar ve hatî kişandin.
“Taqîgeha Jimare 2” (16 deqîqe, 2021) ji aliyê sazîya belavkarîya Rêtaw ve tê belavkirin û ji bo li 62yemîn Festîvala Fîlman a Navneteweyî ya Krakówê hatiye hilbijartin.
Li Festîvala Belgefîlman a Navneteweyî ya Sheffieldê (DocFest) îsal bi giştî 135 fîlm (95 fîlmên metrajdirêj û 40 kurtefîlm) di beşên Pêşbirka Navneteweyî, Pêşbirka Fîlmê Yekem ê Navneteweyî û Pêşbirka Kurtefîlmê Navneteweyî de û herwiha di 6 beşên din de bêne nîşandayîn.
Ji bo agahî: https://www.retawfilm.com/ https://www.sheffdocfest.com/
Sînemaya Serbixwe – www.sinemayaserbixwe.com