Kurtefîlmê “Aforoz” dê 6 festîvalên fîlman bê nîşandayîn

Kurtefîlmê derhêner û akademîsyenê kurd Yilmaz Ozdîlî yê “Aforoz” rêwîtîya xwe ya festîvalan didomîne. Hate eşkerekirin ku “Aforoz” wê li 23yemîn Festival Internacional De Cortometrajes Cine A La Calle (Kolombia), 15emîn Festîvala Kurtefîlman a Popayánê (Kolombia), 11emîn Festîvala Fîlman a Navneteweyî ya Antakyayê, 9emîn Festîvala Sînemayê (Spanya), 8emîn FESTIFAL- Festival Internacional de Cortos de Temática Ruralê (Spanya) û 7emîn Festîvala Fîlman a Navneteweyî ya Firmê (Spanyayê) derbikeve li pêşberî temaşevanên sînemayê.

Kurtefîlm, herî dawî ji bernameya 14emîn Festîvala Fîlman a Cerdanyayê (Spanya) ‘Xelata Rêzgirtinê’“, ji 8emîn Festîvala Fîlman a Luces Cameros Acciónê (Riojaya Spanyayê) xelata “Kurtefîlmê Baştirîn” û ji Festîvala Kurtefîlman a Oxfordê (Îngilîstanê) xelata ‘Lîstikvanê Herî Serketî’ girtin.

Senaryoya “Aforoz”ê (2022) jî Yilmaz Ozdîl bixwe nivîsîye û lîstikvanên Saman Mustefa, Tarik Akreyî, Nazmî Karaman Hunter, Atîye Ozdîl di fîlmê de lîstine. Kurtefîlm, bi piştgirîya Bernameya Piştgirî ya Çand û Hunerê ya Culture CIVICê û Bernameya Ramana Sîvîl ya Yekîtiya Ewropayê ve û li bajarê Bedlîsê hate kêşandin û qala çîroka ciwanekî bi navê Ziko dike. Gera festîvalên fîlman ya kurtefîlmê li seranserê cîhanê didome ku heta niha di çarçoveya gelek festîvalên fîlman ên navneteweyî de hate nîşandayîn û xelat girtin.

Sînemaya Serbixwe – www.sinemayaserbixwe.com

COMMENTS

Bir yanıt yazın

E-posta adresiniz yayınlanmayacak. Gerekli alanlar * ile işaretlenmişlerdir