Kurtefîlmê “Aforoz” dê li Brîtanya û Şîlîyê bê nîşandayîn
Kurtefîlmê derhêner û akademîsyenê kurd Yilmaz Ozdîlî yê “Aforoz” li seranserê cîhanê rêwîtîya xwe ya festîvalên fîlman didomîne. Kurtefîlm dê di rojên 4-10ê Mijdarê de li 5emîn Festîvala Fîlman a Taste of Anatoliayê (Brîtanya) û di navbera 20-25ê Mijdarê de li Beşa Pêşbirkê ya 19emîn Festîvala Fîlman a Navneteweyî ya Rengoyê (Şîlî) derbikeve li pêşberî sînemahezan.
Meha borî hatibû eşkerekirin ku “Aforoz” wê li Kolombia, Tirkiye, Spanyayê li 6 festîvalên fîlman bê nîşandayîn. Kurtefîlm, herî dawî ji bernameya 14emîn Festîvala Fîlman a Cerdanyayê (Spanya) ‘Xelata Rêzgirtinê’“, ji 8emîn Festîvala Fîlman a Luces Cameros Acciónê (Riojaya Spanyayê) xelata “Kurtefîlmê Baştirîn” û ji Festîvala Kurtefîlman a Oxfordê (Îngilîstanê) xelata ‘Lîstikvanê Herî Serketî’ girtin.
Senaryoya “Aforoz”ê (2022) jî Yilmaz Ozdîl bixwe nivîsîye û lîstikvanên Saman Mustefa, Tarik Akreyî, Nazmî Karaman Hunter, Atîye Ozdîl di fîlmê de lîstine. Kurtefîlm, bi piştgirîya Bernameya Piştgirî ya Çand û Hunerê ya Culture CIVICê û Bernameya Ramana Sîvîl ya Yekîtiya Ewropayê ve û li bajarê Bedlîsê hate kêşandin û qala çîroka ciwanekî bi navê Ziko dike. Gera festîvalên fîlman ya kurtefîlmê li seranserê cîhanê didome ku heta niha di çarçoveya gelek festîvalên fîlman ên navneteweyî de hate nîşandayîn û xelat girtin.
Sînemaya Serbixwe – www.sinemayaserbixwe.com