Kurtefîlmê “Çerx” ji Afrîkayê xelata ‘Mansîyon’ê girt
Kurtefîlmê derhênerê kurd Metîn Ewrî yê “Çerx” gera xwe ya festîvalên fîlman didomîne û herî dawî, ji bernameya Varsity Film Expoyê (Zîmbabwe) xelata ‘Mansîyon’ê girt.
“Çerx” ji aliyê derhêner Metîn Ewr ve hatiye nivîsandin û kêşandin û qala jiyanên belavkerên rojnameyê yên salên 90an dike ku heta niha li seranserê cîhanê ji zêdetirî 75 festîvalên fîlman ên navneteweyî hate nîşandayîn û ji bernameyên van festîvalan ji zêdetirî 20 xelat girtine.
Li Festîvala Fîlman a Navneteweyî ya Wisdom Treeyê ya Hindîstanê, xelatên ‘Kurtefîlmê Baştirîn’, ‘Derhênerê Baştirîn’ û ‘Senaryoya Baştirîn’ girtibû, ji bernameya 4emîn Festîvala Fîlman a Navneteweyî ya Australê (Festival Internacional de Cine Austral, Parêzgeha Córdobayê ya Arjantînê) xelata “Mansiyonê ya Kurtefîlmê Herî Serketî”, ji Festîvalên Fîlman ên Close û The Gladiatorê xelatên ‘Kurtefîlmê Herî Serketî’, ji 2yemîn Festîvala Fîlman a ASSKê xelata taybet a “Zhina”yê, ji 1emîn Festîvala Fîlman a Mezopotamyayê (Mêrdîn) xelata Kurtefîlmê Herî Serketî, ji 6emîn Golden Wheat Awardsê (Stenbol) xelata “Kurtefîlmê Herî Serketî”, ji 14emîn Festîvala Fîlman a Mafên Mirovan a Napolî (Festival del Cinema dei Diritti Umani Napoli) “Xelata Balyozxaneya Swîsreyê” girtin. “Çerx”, ji bo bernameyên Festîvalên Fîlman ên Nepal Culturel (Berhevoka Fermî), Three Acts of Goodness International Micro Film Contest (Nîv Fînalîst), MUFF, Golden Wheat Awards, Festival Internacional De Cine De Norte De Santander û Silver Greenê hatibû bijartin, û li berhevoka fermî ya Festîvala Fîlman a Navneteweyî ya Tuzlayê derketibû li pêşberî temaşevanên sînemayê û bûbû yek ji nîv fînalîstên Festîvala Fîlman a Navneteweyî ya Mala Hunerê ya Batûmê (BIAFFê) û Festîvala Fîlman a Navneteweyî ya Antaqyayê.
Sînemaya Serbixwe – www.sinemayaserbixwe.com