Kurtefîlmê “Serpêhatiyên Neqewimî” ji Îtalyayê xelateke nû girt

Kurtefîlmê derhêner û çêkerê kurd Ramazan Kiliçî yê “Serpêhatiyên Neqewimî” ji Îtalyayê xelateke nû girt. “Serpêhatiyên Neqewimî” li seranserê cîhanê gera xwe ya festîvalên fîlman didomîne û ji NociCortinfestivalê (Îtalya) ‘Xelata Jurîyê’ girt. NociCortinfestivalê festîvaleke navneteweyî ye ku ji sala 2006ê bi vir de tê lidarxistin û îsal di navbera 9-10ê mehê de derket li pêşberî sînemahezan.

Senaryoya “Serpêhatiyên Neqewimî” (Tarihte Yaşanmamış Olaylar/Things Unheard Of, 2022) jî Ramazan Kiliç bixwe nivîsîye û Elanur Kiliç, Reyhan Kiliç, Şukran Akti di fîlmê de lîstine. Kurtefîlm, dê li 10emîn Festîvala Fîlman a Navneteweyî ya Duhokê derbikeve li pêşberî temaşevanên sînemayê. Bernameya Festîvala Fîlman a Duhokê di 9ê mehê de destpê kir û dê heta 16ê Berfanbarê bidome.

“Serpêhatiyên Neqewimî”, herî dawî ji Festîvala Fîlman a Corto Doricoyê (Anconaya Îtalyayê) xelata “Temaşevanan”, ji 35emîn Festîvala Kurtefîlman a Navneteweyî ya Aguilar de Campooyê (Palenciaya Spanyayê) xelata “Special Mention”ê, ji Festîvala Fîlman a SOUQê (Mîlano) xelata “Kurtefîlmê Herî Serketî”, ji Festîvala Fîlman a Navneteweyî ya Bergamo Film Meetingê xelata “Duyemînî” û ji Festîvala Storia in Cortoyê (Mentana) xelata “Kurtefîlmê Herî Serketî” girtin.

Kurtefîlm, ji Jakarta Film Weekê (Endonezya) xelata “Kurtefîlmê Herî Serketî yê Navneteweyî”, ji Festîvala Kurtefîlman a Navneteweyî ya Film Frontê (Xirwatistan) xelata “Kurtefîlmê Herî Serketî yê Xwendekaran”, ji 3yemîn Festîvala Fîlmên Kurdî ya Moskowê xelata ‘Kurtefîlmê Herî Serketî’, ji Festîvala Fîlman a LUCASê (Almanya) xelata ‘Kurtefîlmê Herî Serketî’ û ji 8emîn Festîvala Fîlman a Babelê (Îtalya) xelata “Kurtefîlmê Herî Serketî” girtibû û bûbû yek ji fîlmên fînalîst ên 24emîn Festîvala Kurtefîlman a Îzmîrê.

Kurtefîlmên “Arîn” (2016), “Penaber” (2017), “Depo İşçileri” (2018), “Miğfer” (2018), “Servis” (The Shuttle, 2019) yên Ramazan Kiliçî di çarçoveya bernameyên gelek festîvalên fîlman de derketin li pêşberî temaşevanên sînemayê û Kiliç di kurtefîlmê derhêner Turan Hasteyî yê bi navê “Rutubet”ê (2022) de weke çêker cî girtiye.

Sînemaya Serbixwe – www.sinemayaserbixwe.com

COMMENTS

Bir yanıt yazın

E-posta adresiniz yayınlanmayacak. Gerekli alanlar * ile işaretlenmişlerdir