Kurtefîlmê “Sêv” diçe Amerîkayê

Kurtefîlmê derhênerê kurd Mehmet Acarukî yê “Sêv” di 14-19ê Reşemîyê de dê li Berhevoka Navneteweyî ya 20emîn Festîvala Kurtefîlman a Damê (Li Avahîya Elaine K. Smithê ya Boulder Cityê, Nevadaya DYAyê) bê nîşandayîn. Kurtefîlm, li seranserê cîhanê rêwîtîya xwe festîvalan didomîne.

“Sêv” (Elma/The Apple, 2023) qala çîroka jineke penaber a bi navê Zerya dike ku ji ber Komkujîya Helebçeyê koçî Parîsa Frensayê kiriye. Senaryoya “Sêv”ê jî Mehmet Acaruk nivîsîye, Nûr Surer û Dîlan Duzguner di kurtefîlmê de weke serlîstikvan lîstine.

“Sêv” (Elma/The Apple, 2023) ji 13emîn Festîvala Fîlmên Kurdî ya Berlînê xelata ‘Derhênerê Herî Serketî’, ji 11emîn Festîvala Fîlman a Kraljevskiyê (Sirbîstan) ‘Xelata Taybet a Jurîyê’, ji Accolade Global Film Competitionê (DYA) xelata ‘Mansîyona Taybet’ girtibû û bûbû yek ji fînalîstên Festîvalên Fîlman ên Navneteweyî yên Bogazîçî, Cannes World, Coliseum û Gobeklîtepeyê. Kurtefîlm, bernameya 14emîn Festîvala Fîlmên Kurdî ya Hamburgê jî tê de li gelek festîvalên fîlman derket li pêşberî temaşevanên sînemayê.

Sînemaya Serbixwe – www.sinemayaserbixwe.com

 

COMMENTS

Bir yanıt yazın

E-posta adresiniz yayınlanmayacak. Gerekli alanlar * ile işaretlenmişlerdir