“La Verite” û fîlmên din

Di 17’ê meha Rêbendanê de, li salonên sînemayan du ji van anîmasyon, bi giştî 8 fîlm ketin vîzyonê. Di nava fîlmên hefteya nû de li vîzyonê fîlmên; “La Verite”, “Karakomik Filmler 2” û “J’ai Perdu Mon Corps” derdikevin pêş.

Lîstikvana Fransayê Fabienne rojek bîranînên xwe dinivîse û Keça wê û mêra keça wê û neviya wê ku bi salan hev ne dîtine, ji New Yorkê tên li Parîsê serdana wê. Bi hev dîtina jin û keça wê, dibe sedema rûbirûbûna têkilî û rabirdûyên wan.

Derhênerê navdar ê Japonyayê Hirokazu Koreeda bi fîlmên xwe yên wekî; “Dare Mo Shiranai” (2004), Aruitemo Aruitemo” (2008) Soshite Chichi Ni Naru” (2013) ve tê naskirin û bi fîlmê xwe ya bi navê “Manbiki Kazoku” (2018) li Festîvala Fîlman a Cannesê xelata Palmiyeya Zêrîn standibû.

Fîlmê “Kara Komik Filmler”, du fîlmên navçe yên bi navê “Deli û Emanet” ve pêk tê. Fîlmê “Deli”, qala çîroka taksîvanekî û “Emamet” jî qala çîroka reqsvanekî dikin.

Berdewama fîlmê projeya “Karakomik Filmler”, ji aliyê lîstikvan û derhêner Cem Yilmaz re hatiye nivîsandin û kişandin, vê hefteyê li sînemayan ket vîzyonê.

Destê xebatkarê kuryeyê Naoufel ji ber qezayekê tê jê kirin. Rojek li laboratuarê destê wî dê bixwaze vegere bedana wî û destê Naoufelî ji bo peydekirina bedenê dikeve rêwitîyeke dijwar û zor.

Fîlmê Anîmasyonê “J’ai Perdu Mon Corps” di beşa Hefteya Rexnegiran a Festîvala Fîlman a Cannesê de xelata Mezina Juriyê stand û di warê Anîmasyonê Herî Serketî de bo Oscarê bû berendam. Fîlm, ji bo mirovên gihaştî hatiye kişandin û bi muzîkên xwe ve balkêş e.

Fîlmên vê hefteyê:

“La Vérité” / Derhêner û Senaryo: Hirokazu Koreeda

“Karakomik Filmler 2” / Derhêner û Senaryo: Cem Yilmaz

“J’ai Perdu Mon Corps” / Derhêner: Jérémy Clapin û Senaryo: Jérémy Clapin, Guillaume Laurant

“Dolittle” / Derhêner: Stephen Gaghan û Senaryo: Stephen Gaghan, Dan Gregor, Doug Mand (Ji Pirtûkên Hugh Lofting’ê)

“Louis & Luca: Mission to the Moon” / Derhêner: Rasmus A. Sivertsen û Senaryo: Karsten Fullu

“A Shaun the Sheep Movie: Farmageddon” / Derhêner: Derhêner: Will Becher, Richard Phelan û Senaryo: Jon Brown, Mark Burton, Nick Park

“Turkler Geliyor: Adaletin Kilici” / Derhêner: Kamîl Aydin û Senaryo: Mehmet Bozdağ, Atilla Engin

“İstasyon” / Derhêner: Volkan Adiyaman, Kadîr Genç û Senaryo: Kadîr Genç, Volkan Adiyaman

Nûçe – Sînemaya Serbixwe – www.sinemayaserbixwe.com

Share This
COMMENTS

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir

%d blogcu bunu beğendi: