Lêkolînerê sînemayê Ekrem Yildiz: “Yekem belgefîlma bi Kurdî; Nan û Azadî ye”

Nûçe: Rûmet Med

Rojnameger û nivîskar Mirad Bayram ji bo bernameya Pispor a plaforma Botan Internationalê hevpeyvîneke nû ya li ser Sînemaya Kurdî, bi lêkolînerê sînemayê Ekrem Yildiz re kir. Di hevpeyvînê de Ekrem Yildiz di der barê Sînemaya Kurdî de hin agahiyên dîrokê da. Yildiz got, “Dîroka Sînemaya Kurdî hêj zelal nebûye” û li gorî hin çavkanî “Yekem belgefîlma bi Kurdî; Nan û Azadî ye.”

Ekrem Yildiz di axaftina hevpeyvîna xwe de ragihand ku di derbarê dîroka Sînemaya Kurdî de wî hin agahiyên nû peyda kirine. Li gor van agahiyên nû; derhênerê kerkûkî Mehdî Omîd di sala 1989an de fîlmekî Kurdî yê bi navê “Tunel” û li Rojhilatê jî derhênerê kurd Teyfur Bethayî di sala 1984an de belgefîlmeke bi Kurdî ya bi navê “Nan û Azadî” kişandine.

Li gor agahiyên ku Yildizî dide, li gor hin çavkanî rewşenbîr û akademisyenê marksîst ê kurd Dr. Ebdurehman Qasimlo ji bo derhêner Teyfûr Bethayî ekîpmanên fîlman anîne. Teyfûr Bethayî hin belgefîlm û kurtefîlmên Kurdî kişandine û Yildiz dibêje, “Nan û Azadî*, yekem belgefîlma bi Kurdî ye û behsa çand û jiyana Kurdan dike ku lê ji ber hin sedeman ne li ber destê me ye.”

Lêkolînerê sînemayê Ekrem Yildiz eşkere dike, fîlmekî din ê derhêner Bethayî heye ku di sala 1982an de hatiye kişandin û ev fîlm niha li ber destan e. Bi vî awayî ev fîlm, destpêka dîroka Sînemaya Kurdî an jî yekem fîlmê bi Kurdî ye.

Li gor hin lêkolîner û dîroknasên sînemayê, yekem fîlmê bi Kurdî “Klamek Ji Bo Beko” ye ku di sala 1992yan de ji aliyê hunermendê kurd Nîzamettîn Arîç ve hatibû kişandin.

Ji bo hevpeyvîna Ekrem Yildizî:

Plaforma nûçeyan a Botan International Saziyeke nû ya perwerdeya Rojnameya Kurdî ya hevkara RSFyê ye û berî çend rojan li Amedê bi piştevaniya RSFê Ofîsa Perwerdeya Rojnamegeriya Kurdî hat vekirin. Sazî dê li ser çapemeniyê Kurdî xebatên perwerdehî bike û nûçeyên bi Kurdî amade bike.

Sînemaya Serbixwe – www.sinemayaserbixwe.com

COMMENTS

Bir yanıt yazın

E-posta adresiniz yayınlanmayacak. Gerekli alanlar * ile işaretlenmişlerdir