Li Amadê ji bo bîranîna Gomidas Vartabed konsereke hate lidarxistin

Li Amadê ji ber rojbûn û ji bo bîranîna etnolog, muzîkvan û bestekarê ermenî Gomidas Vartabed li Karwanseraya Amedê konsereke hate li darxistin û konser eleqeyeke mezin dît.

Ji ber rojbûna sala 150’ê û ji bo bîranîna etnolog, muzîknas û bestekarê ermenî Gomidas Vartabed li Karwanseraya Navçeya Sûra Amedê konsereke hate li darxistin û di konserê de hunermendên Ara Dinkjan, Ari Hergel, Ertan Tekin, Pervin Chakar ve Zulal Trio stran, lawje û kilamên bi Ermenkî, Kurdî û Tirkî gotin.

Gomidas Vartabed li Enedolê gund bi gund geriya û ji zêdetirî bi 4 hezaran stran, lawje û kilamên Kurdî, Ermenkî, Farisî, Tirkî û Erebî berhevkiriye û xistiye ser notayan. Hunermend Gomidas Vartabed li ser muzîk û stranan nivîs û gotar nivîsandine û ji bo pêşveçûna muzîka Ermenkî lêkolînan kiriye û xebitiye, li Stenbokê koroyeke 300 kesî avakiriye.

Ji bo bîranîna etnolog û muzîknas Gomidas Vartabedî ji aliyê Anadolu Kültür, Kalan Müzik û Şanoya Maxim Gorki ve di dîrokên 5 û 7’ê Cotmehê de, li Şanoya Maxim Gorkiya Berlînê û Salona Konser a Cemîl Reşît Reyê ya Stenbolê konseran hatibûn li darxistin.

Nûçe – Sînemaya Serbixwe – www.sinemayaserbixwe.com

COMMENTS

Bir yanıt yazın

E-posta adresiniz yayınlanmayacak. Gerekli alanlar * ile işaretlenmişlerdir