Li Amedê du kargehên fîlman ên “Xewnên Polîtîkayan” û “Pevxistina Lezkirî”

Di çarçoveya bernameya meha Berfanbarê ya Wêjegeh Amedê de wê di rojên 14-18ê mehê de li bajarê Amedê li ser fîlman du kargehên “Xewnên Polîtîkayan” û “Pevxistinê Lezkirî” bêne lidarxistin. Kargeha “Xewnên Polîtîkayan” ji alîyê akademîsyen, derhêner û nivîskarê sînemayê Aylîn Kuryel ve hatiye amadekirin û dê di 14ê mehê de bê lidarxistin. Kargeha “Pevxistina Lezkirî: Masaustu Sînema” dê di 18ê mehê de ji alîyê derhêner û nivîskarê sînemayê ve bê rêvebirin. Destpêka kargehan: 18.30

Nivîskar û derhêner Raşel Meserî di çarçoveya meha Berfanbarê de di 15ê mehê de beşdarî li Wêjegeh Amedê dibe. Raşel Meserî bi roman, belgefîlm û kurtefîlmên xwe tê naskirin. Meserî, bi moderatorîya Ovgu Gokçe Yaşa re wê li ser romana xwe ya dawî ya bi navê “Meskûn Zaman”ê biaxive. Destpêka bernameyê: 18.30.

Derhêner û nivîskarên sînemayê Aylîn Kuryel Firat Yucel, di sala 2019ê de bi hev re belgefîlmê bi navê “Baştan Başa” (Heads and Tails) kişandin ku belgefîlmê wan di bernameya gelek festîvalên fîlman ên navneteweyî de derket li pêşberî temaşevanên sînemayê û ji beşa Pêşbazîya Belgefîlma Neteweyî ya 38emîn Festîvala Fîlman a Navneteweyî ya Stenbolê Xelata Mansîyonê wergirt. “Wergerandina Ulyssesê” (Translating Ulysses, 2023) ji alîyê nivîskarên sînemayê Aylîn Kuryel û Firat Yucel ve weke belgefîlmekî dirêj hate kêşandin û li ser pêvajoya wergerandina ‘Ulysess’ê disekine ku rêwîtîya xwe ya festîvalan didomîne. Berhema wêjekarê navdar ê Îrlandayê James Joyceyî ya “Ulysses” ji bo wêjeya cîhanê romaneke gelek girîng e ku ji alîyê wergêr-nivîskarê kurd Kawa Nemir ve ji bo Kurdîya Kurmancî hate wergerandin û di Adara 2023yê de ji Weşanên Avestayê derket li pêşberî wêjehezan. 

Aylîn Kuryel û Firat Yucel ji sala 2019ê û bi vir de li ser belgefîlmê “Wergerandina Ulyssesê” dixebitin, guhertoya (varyant) kurt a belgefîlmê ya bi navê “Tiştê Ku Di Her Tiştî Re Derbas Dibe” (The Thing that Goes Through Everything) kêşandin ku li gelek festîvalên fîlman hate nîşandayîn.

Belgefîlmên din ên Aylîn Kuryelê: “Yan Yana” (Side by Side, 2022), “Bir Savunma” (A Defense, 2021), “Balkon ve Bizim Rüyalar” (The Balcony and Our Dreams, 2021), “Cemile Sezgin” (ligel Raşel Meserî, 2020), “Hoşgeldin Lenin” (ligel Ahmet Murat Ogut, Aylîn Kuryel, Begum Ozden Firat, Emre Yeksan, 2016), “Saç Boyama 45 Dakika” (ligel Raşel Meserî, 2010), “Tabu” (ligel Emrah Irzık, 2008), “Osman” (Ligel Raşel Meserî, Nîhan Şengul, 2006).

Kurtefîlmên wê: İlle de Okumak (2012), “Dikkat Feminist Var!” (2010), “Ayşegül İsyanda” (Ligel , Zeyno Pekunlu, 2009), “Manuel Portakal” (2008), “Boşlukları Doldurunuz” (Ligel Zeyno Pekunlu, 2008), “İstanbul’un Nesi Var Görüntünün Sesi Var” (2007)*

Belgefîlmên din ên Fırat Yucelî: “Özgürleşen Seyirci: Emek Sineması Mücadelesi” (Ligel Begum Ozden Firat, 2016), “Baştan Başa” (2019). “Aşağıdan Yukarıya” (From Below, 2022), “8 Mart, 2020: Bir Günce” (March 8, 2020: A Memoir, 2022), “Kapalı Gişe – Türkiye Sinemasında Dağıtım Krizi” (Ligel Kaan Mujdeci, Şenay Aydemîr, Evrîm Kaya, 2016).

Kurtefîlmê wî: “Küçük İlanlar” (Ligel Enîs Kostepen, Bariş Donmez, 2000)*

Ji bo agahî û serîlêdanê:

Sînemaya Serbixwe – www.sinemayaserbixwe.com

 

COMMENTS

Bir yanıt yazın

E-posta adresiniz yayınlanmayacak. Gerekli alanlar * ile işaretlenmişlerdir