Li Amedê û Amsterdamê Operaya Puccini’yê “Tosca” bi Kurdî li pêşberî şanohezan e

Lîstika Operayê bi navê “Tosca” ku ji aliyê Giacomo Puccini re weke sê perde hatiye bestekirin, bi Derhênerê Hunerê yê Şanoya Rast’ê Celîl Toksoz û bi wergera Nivîskar Kawa Nemir li bajarên Amsterdamê û Amedê derdikeve li pêşberî şanohezan.

Li gorî nûçeya Vecdî Erbay’ê ku di Gazete Duvar’ê de cih digire, lîstika operayê “Tosca” di meha Cotmehê de li bajarê Amsterdamê û piştre jî li hin bajarên Holendayê û li bajarê Amedê dê bê lîstin.

Derhênerê Huner ê Şanoya Rast’ê Celîl Toksoz diyar kir ku lîstika operayê navdar “Tosca” ku ji aliyê Giacomo Puccini re di sala 1989’ê de weke sê perde hatiye bestekirin, bi Kurdî di dîrokên 25-26’ê meha Cotmehê de cara yekem li Şanoya Bajêr a Amsterdama Holendayê û piştre jî li hin bajarên Holendayê û li bajarê Amedê bê lîstin û têde hunermendên wekî Gulseven Medar, Alî Tekbaş û Dodan cih digirin.

Mijara lîstika “Tosca”yê li ser evîn û azadîyê ye û weke sê perde, bi Dengbêjî û şahiyeke muzîkê derdikeve li pêşberî temaşevanan. Di lîstikê de rola ‘Tosca’ ji aliyê Gulsevan Medar re tê lîstin û Medar di heman demê de di lîstikên ““Dilek Bir Halk Operası” û “Hamlet” de jî leyîstibû.

Lîstika “Tosca” wekî lîstika “Hamlet”ê ji aliyê Nivîskar û Wergerê Kurd Kawa Nemir bo Kurdî hate wergerandin û dekora lîstikê Eylem Aladogan çêkiriye û derhênerê hunerê yê lîstikê Serdar Geren e.

Derhênerê Lîstika “Tosca”yê Celîl Toksoz bi Teatra Jiyana Nû ve xebitî û bi koma Şanoya Bajêr a Amedê ve lîstîkên “Keçelok”, “Hamlet ” bi Kurdî amadekirin û lîstikan li gelek bajaran hatin lîstin.

Nûçe – Sînemaya Serbixwe – www.sinemayaserbixwe.com

Share This
COMMENTS

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir

%d blogcu bunu beğendi: