Li Ser Pirtûk û Pirtûkfiroşîyê Çend Fîlm

Nivîs-Amadekar: Mela Mihyedîn

Sînema di qada jîyanê de û li ser hemû mijaran jîyanê perspektîfên nû nîşanî me dide. Sînema tena serê xwe cîhanek nû ye û ji hertiştî feyde dibîne. Ji wêjeyê bigre heta dîrokê, ji dîrokê bigre heta xwezayê, ji xwezayê bigre heta sîyaset û jîyana rojane hertişt dibe mijarên sînemayê.

Sînema li ser pirtûk û pirtûkfiroşîyê xwedî arşîvek dewlemend e. Min jî xwest ez arşîva xwe ya li ser vê mijara bi we re parve bikim.

The Bookshop

Florence Green li bajerekî Cittaslow (bajarên piçûk) yê Ingilîzîstanê di xanîyekî kevnare de ji xwe re pirtûkfiroşekê vedike. Jinek gava dixwaze li ser pîyên xwe bisekine leqayî çi zehmetîyan tê? Zehmetîya pirtûkan û pirtûkfiroşîyê çi ye? Gelo nerîna gel ji bo jinên serbixwe çawa ye? Li ser van pirsan fîlm temşevanên xwe dikşîne nava hundirê xwe û wan bi van pirsan mijûl dike.

Kunye

Derhêner: Isabel Coixet

Senaryo: Penelope Fitzgerald

Lîstikvan: Emily Mortimer, Bill Nighy…

Wext: 113 Deqîqe

Sal: 2017

IMDB: 6.5

 

The Guernsey Literary and Potato Peel Pie Society

Juliet nivîskar azad û bê tirs e. Rojekê ji girava Guernsey nameyek jêre tê. Naveroka nameyê pir bala wê dikşîne û ji bo rastîya nameyê fêr bibe û ji bo berhemek nû binivîse lê dixe diçe Guernseyê. Ev girava piçûk di bin dagirkerîya Almanyayê de ye û di rewşên wiha de fikra azad û wêje herdem di bin talûkeyê de ye.

Kunye

Derhêner: Mike Newell

Senaryo: Mary Ann Shaffer

Lîstikvan: Lily James, Michiel Huisman, Jesica Brown…

Wext: 124 Deqîqe

Sal: 2018

IMDB: 7.4

 

Fahrenheit 451

Di nava Dîsyopîyan de pirtûkên herî baş pirtûka Geroge Orwell (1984) û ya Ray Bradbury (Fahrenheit 451) e. Ev her du berhem şah-berhemên dîstopîyê tên qebûlkirin. Her çiqasî wexta berhema Ray wek fîlm hate kişandin rexnegiran fîlmê Françoisî li erdê xistin. Civakekê bifikirin pirtûk qedexene û her cureyê nivîsa qedexeye.

Kunye

Derhêner: François Truffaut

Çîrok: Ray Bradbury

Senaryo: Jean-Louis Richard

Lîstikvan: Oskar Werner, Julie Christie, Anton Diffring…

Wext: 112 Deqîqe

Sal: 1968

IMDB: 7.6

The Reader

Piştî şerê II. yê Cîhana li Almanyayê mehkemeya sucên şer tê avakirin. Di vê mehkemê di nava şerî de gunehên çi kesî hebin heçû li ber çavên tê eşkerekirin û sucdar tên cezakirin. Parêzer Micheal di mehkemê de leqayî Hannayê tê. Çîrok û gunehên her du kesan û sucên dewra Hîtler temaşevanên dikşîne hundirê fîlm.

Kunye

Derhêner: Stephen Daldry

Senaryo: David Hare û  Bernhard Schlink

Lîstikvan: Kate Winslet, Ralph Fiennes, David Kross…

Wext: 124 Deqîqe

Sal: 2008

IMDB: 7.1

 

Inkheart

Mortimer û keça wî Meggie xwînerên baş in û ji pirtûkan pir hez dikin. Xwendina pirtûkan ji bo eşqek mezin e. Hem Mortimer û hem Meggie xwedî hêzek dij-xwezayî ye. Gava pirtûkekê bi deng dixwînin mirovê xeyalî yê pirtûkê tê dinê û ji dinê jî mirovekî rastî tevlî pirtûkê dibe. Serpêhetî û çîrokek efsûnî li benda we ye.

Kunye

Derhêner: Iain Softley

Senaryo: David Lindsay-Abaire

Lîstikvan: Brendan Fraser, Sienna Guillory, Elliza Bennet…

Wext: 106 Deqîqe

Sal: 2008

IMDB: 6.1

 

Secret Window

Mort Rainy nivîskarekî bi nav û deng e. Di demek nêz de dev ji jina xwe berdaye. Ji bo hişê xwe zelal bike û dest bi berhemek nû bike ji bajêr derdikeve. Ji xwe re xanîyekî li ber kêleka golekê eyar dike. Di bê kêlîkê de yekî xerîb derdikeve û îdda dike ku Mort kurteçîroka wî dizîye û li ser navê xwe ew weşandîye. Piştre jî li ser van bûyeran senaryoyek bi kelecan û xof dest pê dike.

Kunye

Derhêner: David Koepp

Senaryo: Stephan King

Lîstikvan: Johnny Depp, John Turturro, Maria Bello…

Wext: 96 Deqîqe

Sal: 2004

IMDB: 6.6

The Ninth Gate

Dean Korso ji bo mirovên dewlemend û koleksîyoneran pirtûkên kevin kom dike. Rojek bi navê Boris Balkan yekî dewlemend û xwedî koleksîyona pirtûkan ji Korso pirtûkek destxetî dixwaze. Du nusxeyên pirtûkê li Avrupayê ne û nusxeya orjînal jî wendaye. Korso ji bo Boris dikeve pey şopa nusxeya orjînal. Ev pirtûk li ser ayînên satnîsta ye û li gorî rûvayetê kesê xwedîyê vê pirtûkê dikare neh derîyên kralîyeta binê erdê veke.

Kunye

Derhêner: Roman Polanski

Senaryo: Arturo Pérez-Reverte û John Brownjohn

Lîstikvan: Johnny Depp, Frank Langella, Lena Olin…

Wext: 133 Deqîqe

Sal: 1999

IMDB: 6.7

You’ve Got Mail

Kathleen Kely li rojavayê New Yorkê xwedî dikanek pirtûkên zarokan e. Joe Fox jî xwedî zencîra pirtûkfiroşa ye û li nêzî dikane Kathleen dikanek pirtûkan vedike. Di navbera herduyan rekabetek komedî çêdibe. Her du jî li ser înternet bi navên sexte hevaltîyê dikin û haya wan ji rastîyê tune ye. Lê ev rastîya veşartî heta hetayê namîne.

Kunye

Derhêner: Nira Ephron

Senaryo:  Miklós László

Lîstikvan: Tom Hanks, Meg Ryan…

Wext: 119 Deqîqe

Sal: 1998

IMDB: 6.6

 

Sînemaya Serbixwe – www.sinemayaserbixwe.com

Share This
COMMENTS

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir

%d blogcu bunu beğendi: