Lîstikvanê navdar Jean-Lois Trintignant jiyana xwe ji dest da

Yek ji lîstikvanên baştirîn ên Sînemaya Frensayê Jean-Lois Trintignant ji ber nexweşiya kansêrê di 91 saliya xwe de jiyana xwe ji dest da. Lîstikvanê navdar bi gelek fîlmên xwe yên wekî; Z, Un homme et une femme, Trois couleurs: Rouge, L’Amour ve tê naskirin.
Hevsera lîstikvanê Marianne Hoepfner Trintignant ragihand ku Jean-Lois Trintignant ji ber nexweşiya qansêra kezebê dihat dermankirin di 91 saliya xwe de wefat kir. Serokkomarê Frensayê Emmanuel Macron jî hestên xwe anî zimên û di derbarê lîstikvan Trintignantî de got: “Wî qabiliyet û dengekî hunerî yê niwaze ye”.

Lîstikvanê sînemayê Jean-Lois Trintignantî di sala 1930ê de li bajarokê Piolencê yê Vaucluseya Fransayê hate dinê û di sala 1950ê de ji ber perwerdehiya şanoyê çû li Parîsê. Di 1954ê de cara yekem li şanoyê weke serlîstikvan lîst û piştî salekê jî bi fîlmê xwe yê “Si tous les gars du monde”yê derket li pêşberî temaşevanên sînemayê. Bi fîlmê “Et Dieu… créa la femme” (1956) li cîhanê hate naskirin. 

Jean-Lois Trintignant li seranserê cîhanê bi fîlmên xwe yên wekî; Les Liaisons Dangereuses, Estate Violenta, Le coeur battant, Club de femmes, Austerlitz, Pleins Feux sur l’Assassin, Il Sorpasso, Un homme et une femme, Paris brûle-t-il?, Mon amour, mon amour, L’homme qui ment,  Z (Li Festîvala Fîlman a Cannesê Xelata Lîstikvanê Baştirîn), Ma Nuit chez Maud, Il Conformista, Under Fire, Vivement Dimanche!, Trois couleurs: Rouge û L’Amour (Xelata Cesarê) ve tê naskirin.

Sînemaya Serbixwe – www.sinemayaserbixwe 

Share This
COMMENTS

Bir cevap yazın

E-posta hesabınız yayımlanmayacak.

%d blogcu bunu beğendi: