Muzîkala fîlmê “Amelie” tê
Fîlmê “Amelie” (2001) ku 5 caran bo Oscarê bûbû berendam û mohra xwe li dîroka sînemayê daye, weke lêanîna muzîkî hatiye amadekirin ku di meha Reşemiya sala 2020’ê de derdikeve li pêşberî hunerhezan.
Li gorî nûçeya ku di malpera Arti Gerçek’ê de cih digire, muzîkala Amelieyê cara yekem tê li bajarên Stenbol û Bûrsayê.
Fîlmê “Amelie” (2001) ku 5 caran ji bo Xelatên Oscarê weke berendam hatibû nîşandan û mohra xwe li dîroka sînemayê daye, bi navê “Amelie The Musical” weke lêanîna muzîkî hate amadekirin, bi organîzsyona Piu Entertainment ve cara yekem tê li Stenbol û Bursayê û derdikeve li pêşberî hunerhezan.
“Muzîkîya Amelie” dê di dîrokên 11-16ê meha Reşemî de li Uniq Hallê li Stenbolê û di 21ê meha Reşemî de li Merinos AKKM ê li Bûrsayê bê lîstin. Serlîstikvanên muzîkîya Amelie’ê, Audrey Brisson û Danny Mac in û muzîkal, bi muzîk û dekorên xwe ve balkêş e.
Çîroka fîlmê “Amélie” li Montmartre ya Parîsê diqewime û jiyana jineke ciwan a bi navê “Amélie” ku li bajêr li cafeyekê garson e, dike û jiyana wê ya jidil û tije hezkirin nîşan dide. “Amélie” ji aliyê Jean-Pierre Jeunet ve hat kişandin û senaryoya wê Jean Pierre Jeunet, Guillaume Laurant bi hev re nivîsandin. Di fîlmê de Audrey Tautou weke serlîstikvan cih girt û muzîkên fîlmê jî Yann Tiersen çêkirine.
“Amelie”, li Xelatên Fîlman a Ewropayê, Xelata Fîlmê Herî Serketî û 4 Xelatên Césarê û du jî xelatên BAFTA’yê girtibûn û her wiha 5 caran bo Xelatên Oscarê weke berendam hatibû nîşandan.
Navenda Nûçeyan – Sînemaya Serbixwe www.sinemayaserbixwe.com