“Navnîşan” piştî Îtalyayê wê li Hindîstanê bê nîşandan
Kurtefîlmê derhêner û lîstikvanê kurd Aram Dildar yê “Navnîşan” (The Address, 2022), piştî Îtalyayê dê di navbera 9-16ê meha Berfanbarê de li 14emîn Festîvala Belgefîlm û Kurtefîlman a Keralayê (Hindîstan) bê nîşandayîn. Di fîlmê de lîstikvanên wekî; Ahmet Akman, Ronî Dildar û Erdal Kaya cih digirin.
“Navnîşan” wê li 11emîn Festîvala Kurtefîlman a Navneteweyî ya Visioni Corteyê jî bê nîşandayîn. Bernameya festîvalê îsal di navbera dîrokên 17-24ê Îlonê de li dar dikeve.
Di meha Pûşberê de ji kurtefîlmê “Navnîşan”ê wêneyê nû li ser instagrama fîlmê hatibû parvekirin. Senayoya kurtefîlmê “Navnîşan” Aram Dildar bi xwe nivîsiye û sewyana (afîş) fîlmê jî di meha Avrêla 2022yê de li ser twittera pargîdanîya Kyklops Postproductionê weşandibûn.
Derhêner û lîstikvanê kurd Aram Dildar, di sala 1990ê de li bajarê Êlihê (Batman) hate dinê û di gelek komên şanoyê de cih girt. Li beşa Radyo, TV û Sînemayê ya Zanîngeha Marmarayê xwend, bi fîlmê “Press” (2010) cara yekem di fîlmekî metraj dirêj de lîst, derhênerîya kurtefîlmên; “Binevş” (2009), “Da”(2015), “Hazirîyek Bo Derengmayînê” (2018) kirin, di hin fîlman de weke alîkarê derhênerê xebitî. Derhêner, di gelek televîzyonên neteweyî û navneteweyî de derhênerî û alîkarê derhênerîya bernameyan kirine. Dildar, di fîlmên “Mûsa” (2012), “Adem Başaran” (2013) û “Biryareke Zor” (2017) de lîstin, fîlmên wî beşdarî li bernameya gelek festîvalên fîlman ên neteweyî bûn.*
Sînemaya Serbixwe – www.sinemayaserbixwe.com