“Poor Things” li Festîvala Fîlman a Venedîkê bi ser ket
80emîn Festîvala Fîlman a Navneteweyî ya Venedîkê di navbera 30ê Gelawêjê û 9ê Îlonê de hate lidarxistin û xelatên festîvalê bi merasimek hatin dayîn. Fîlmê derhênerê yewnan Yorgos Lanthimosî yê “Poor Thing” xelata ‘Şêrê Zêrîn’ (Fîlmê Herî Serketî/Xelata Mezin) û fîlmê derhênerê japon Ryusuke Hamaguchî yê “Evil Does Not Exist” ‘Xelata Mezin a Jurîye’ girtin. Yorgos Lanthimos yek ji pêşengên rêbaza “Pêla Ecêb a Yewnan” e.
Festîvala Fîlman a Venedîkê îsal cara 80emîn derket li pêşberî sînemahezan. Lîstikvanê Filistînî Saleh Bakrî seroktîya bernameya festîvalê kir, lîstikvana navdar a Zelendeya Nû Jane Campion, derhênera frensîz Mia Hansen-Løve, derhêner û lîstikvanê îtalî Gabriele Mainetti, sînemagerê Îrlendayî Martin McDonagh, derhênerê Arjantînî Santiago Mitre, derhênera belgefîlman a Amerîkayî Laura Poitras û lîstikvana Çînî Shu Qi weke endamên jurîyê di bernameya festîvalê de cî girtin. Fîlmên festîvalê di beşên Pêşbirka Bingehîn û ORIZZONTIyê de têne xelat kirin.
Beşa Pêşbirka Bingehîn
Şêrê Zêrîn – Fîlmê Herî Serketî/Xelata Mezin: “Poor Things” (Derhêner: Yorgos Lanthimos)
Xelata Mezin a Jurîyê: Evil Does Not Exist (Der: Ryusuke Hamaguchi)
Derhênerê Herî Serketî: Matteo Garrone (Io Capitano)
Xelata Taybet a Jurîyê: Green Border (Der: Agnieszka Holland)
Senaryoya Herî Serketî: Guillermo Calderon, Pablo Larrain (El Conde)
Lîstikvana Herî Serketî: Cailee Spaeny (Priscilla)
Lîstikvanê Herî Serketî: Peter Sarsgaard (Memory)
Lîstikvanê Ciwan ê Herî Serketî: Seydou Sarr (Io Capitano)
Beşa ORIZZONTIyê
Fîlmê Herî Serketî: Explanation for Everything (Der: Gabor Reisz)
Derhênera Herî Serketî: Mika Gustafson, (Paradiset Brinner/Paradise is Burning)
Xelata Taybet a Jurîyê: Una Sterminata Domenica (Der: Alain Parroni)
Lîstikvana Herî Serketî: Margarita Rosa De Francisco (El Paraíso)
Lîstikvanê Herî Serketî: Tergel Bold-Erdene (City of Wind)
Senaryoya Herî Serketî: El Paraíso (Enrico Maria Artale)
Kurtefîlmê Herî Serketî: A Short Trip (Der: Erenik Beqiri)
Fîlmê Yekem ê Herî Serketî yê Şêrê Zêrîn ê Dahatûyê: (Al Shi Yi Ba Qiang/Love Is a Gun (Der: Lee Hong-Ch)
Xelata Temaşevanan: Felicita (Der: Micheala Ramazotti)
Sînemaya Serbixwe – www.sinemayaserbixwe.com