Serîlêdanên 3’yemîn Festîvala Çand û Hunerê ya Yilmaz Guney dest pê kir

Serîlêdanên 3’yemîn Mîhrîcana Çand û Hunerê ya Yilmaz Guneyî ya Navnetewî dest pê kir û bernameya festîvalê dê di beşê hunerê yên sînema, çîrok, helbest, karîkator û wêneyê de bê li darxistin.

3’yemîn Mîhrîcana Çand û Hunerê ya Yilmaz Guneyî ji aliyê Navenda Çanda Yuz Çîçek Açsin (YÇKM) û  Şaredariya Dêrsîmê û bi piştgiriya Weqfa Yilmaz Guneyê ve tê li darxistin ku serîlêdanên mîhrîcanê dest pê kiriye û dê heta 15’ê meha Avrêlê bidome. Bernameya mîhrîcanê, dê di beşên hunerê yên sînema (kurtefîlm, kurtebelgefîlm û kurtesenaryo), çîrok, helbest, karîkator û wêneyê de bê li darxistin.

Di beşên çîrok û helbestê de, dê berhemên ku bi zimanên Kurdî (Kurmancî / Kırmanckî), Tirkî û Ermenkî hatine nivîsandin, bêne qebûlkirin. Bernameya 3’yemîn Mîhrîcana Çand û Hunerê ya Yilmaz Guneyî dê di navbera dîrokên 15’ê Avrêlê û 1’ê Pûşberê (hezîran) de li Stenbol, Dêrsîm û gelek bajaran bêne li darxistin.

Mîhrîcan, di 7’ê meha Pûşberê de li Stenbolê û 7’ê Pûşberê de li Dêrsîmê bi merasîmên xelatan, dê bi dawî bibe.

Ji bo agahî: www.yilmazguneyksf.org

COMMENTS

Bir yanıt yazın

E-posta adresiniz yayınlanmayacak. Gerekli alanlar * ile işaretlenmişlerdir