Sînemakarî Kurd Hoşeng Mîrzayî koçî dwayî kird

Hoşeng Mîrzayî, sînemakarî kurd le sallî 2619kurdî beramber be 1971î zayîn le dayk û bawkêkî kurd ke xelkî pişt kêwî walî Îlamin, le şarî kêwdeştî ser be parêzgey Lorristan be dinya hatûwe. Nawî daykî Nusret e herweha nawî bawkî Rezaye.

Le zankoy deng u dîmenî Tahran sînemay le beşî derhênerayetî  xwêndûwe u hawpol û hawallî Behmen Qubadî bûwe.  Wek xoy amajey pêkirduwe le salî 2689î kurdî beramber be 1989î zayînî be fîlme 8 mîlîmîtriye kanewe  destî be fîlm dirûst kirdin kirdûwe.

Ziyatir le beşî derhênan u pêhewbestin (montaj) u nûsînî belge fîlm da çalak bûwe u wekû  yekêk le belge fîlmsaze navdarekanî sînemay Kurdistan nasrawe. Ta ewrroke nîzîkey 30 berhemî  kurtî  heye u  3 berhemî bilîndîşî dirûst kirdûwe ke zorîneyan kurdîn u le Rojhellatî Kurdistan dirust kirawn :Rûnak, Şitêk Şêwey Çawekanim, Legel Xwa Halperrkê Dekem… Jîn, Nûş, Dayegewre heted…

Berhemekanî zyatir le sê sed cêjnware  beşdar bûne bo nimûne: Tamprrê, Hat Daks, Sînema Dorîlî Ferranse cêjnwarey  fîlmî  Torênto, Şêfîîld, Krralla, herewha  xelatî baştirîn  fîlmî kurtî fîlmî “Şitêk Şêwey Çawekanit”  le destî Ancopolos  wergirtuwe, xelatî  bîneranî le cêjnwarey Mîrados dakî Îspanyay bo fîlmî “Legell Xwa Hellparrkê Dekem” herweha xellatî nohemîn xulî  cêjnwarey Kortoîmolay bo fîlmî “Rûnak”, herweha  xelatî lêjney bîst u çwaremîn xulî cênjwarey  tûs kortey Îspanya be dest hênawe, le naw cêjnware kurdiyekaniş da wekû Dihok, Silêmanî, Fîlmî Kurdî Lenden…herweha  deyan xelatî navxoyî u  derewey be dest hênawe.

Ciya le sînemaş Kak Huşeng  wekû  nîgarkêş û wênegir berhem gelêkî zorî heye u herweha hizr  û ramanêkî kolnederî hebuwe u zor car  berengarî xawen desellatdaranî  Êran debowe u narrezayetî xoy be şêwey cor be cor derdebirrî.

Ew sînemakare kurde bedaxêkî giranewe le rêkewtî 21î reşemêy 20720 kurdî ..î Marsî zanînî  …dway ziyatir le 20 roj dest u pence nerm kirdin legel petay  krona le nexoşxaney Ferhîxteganî  Taran koçî diway kird. Termî ew sînemakare kurde li gorristani beheştî zara le beşî hunermendan da bexak sipêrdirawe.

Wêne: https://www.instagram.com/hooshangmirzae/

Amedakar û Nûçe: Zanyar Muhammadineko / Latînîkirin: Welat Ramînazad

Sînemaya Serbixwe – www.sinemayaserbixwe.com

Share This
COMMENTS

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir