“Sînemaya Kurdî: Bêwelatî, Sînor û Mirin”

Di van salên dawiyê de, pêwendiya mirovan ji pirtûkên hunerî û çandî ve zêde dibe û bi taybetî jî pirtûkên ku li ser sînemayê hatine nivîsandin gelekî eleqeyan dibînin.

Li gorî salên dawiyê, pirtûkên sînemayê ji aliyê weşanxaneyên huner û çandê ve bêtir têne çap kirin û wergerandin, hejmarên pirtûkên bîrdoz û senoryoyê her ku diçe zêdetir dibe û ev rewş jî dilên sînemahez û hunerhezan kêfxweş dike.

Çapa duyem a pirtûka “Sînemaya Kurdî: Bêwelatî, Sînor û Mirin”, di dawiya meha Gelawêj a 2017’ê de ji aliyê Agora Kitalığı re derketî û du mehan paşê jî çapberiya pirtûkê derçû.

Ev xebata girîng û watedar ji aliyê Derhêner û Sînemavanê Kurd Mizgîn Mujde Arslan re hate amade kirin, cara yekem di sala 2009’ê de hatî bû çap kirin û di demeke kurt de gelek eleqeyan dîtin.

Ji “Brayên Lumierê” û “Alice Guy-Blaché”, bi wir de Sînema ango “Hunera Heftemîn” ji gelek qonaxan derbas bû, geşedan û pêşveçûna xwe didomîne.

Destpêka Sînemaya Kurdî, wek filmê “Zerê” yê Derhênerê Ermen Hamo Beknazaryanê tê qebûl kirin û di sala 1926’ê li Ermenistana Sovyetê hate kişandin. Li dû vê dîrokê, bi taybetî li Ewropayê û li gelek welatan de film û belgefîlmên Kurdî hatin kişandin.

Di pênc parçeyên Kurdan de, ji ber qedexeyan û ne pêşketina pîşesaziya sînemayê (di wateya Endustrî de), Derhêner û Sînemavanên Kurd di dîrokeke piçek ne dûr de xebatên xwe dest pê kirin.

Di ev salên dawî de hejmara filmên Kurdî zêdetir dibe, filmên Kurdî di mîhrîcanên filman de tên nîşan didin û xelatan wergirin.

Derhênerên wekî Yilmaz Guney, Behmen Qobadî, Hiner Saleem, Samira Mahmelbaf, Shawkat Amin Korkî, Kazim Oz, Mizgîn Mujde Arslan, Huseyin Karabey, Orhan Eskîkoy û gelek derhênerên û sînemavanên navdar derkevin.

Di sînemaya Kurdî de û li ser sînemavanên Kurdan de bandorên Derhênerê navdarê Kurd Yilmaz Guneyê gelek mezin û girîng e, Guney bi hest û ramanên xwe ve di sînemayê de hertim dê riyeke ronî bibe.

Pirtûka “Sînemaya Kurdî: Bêwelatî, Sînor û Mirin”, geşedana dîrokî ya Sînemaya Kurdî dilêkolîne.

Gotar û nivîsên li ser sînemaya Kurdî hatine nivîsandin; ji bo temaşavan, sînemavan û xwendevanan berhev kiriye û pirtûk ji bo sînemahezan çavkaniyeke mezin û girîng e.

Nivîs: Rûmet Med (Rûmet Onur Kaya)

— Ev Nivîs-Nûçe, di hejmara yekemîn a E-Fanzîna “Sînemaya Serbixwe” de hate weşandin / Hejmar 1 – Berfanbar – 2018

Pirtûk: “Sînemaya Kurdî: Bêwelatî, Sînor û Mirin” (Kürt Sineması: Yurtsuzluk, Sınır ve Ölüm”)

Nivîskar/Amadekar: Mizgîn Mujde Arslan

Weşanxane: Agora Kitaplığı

400 Rûpel

Pirtûkên din ên Mizgîn Mujde Arslan:

“Rejîsor’ Atîf Yılmaz” / Weşanxane: Agora Kitaplığı, 220 Rûpel (2007)

“Yeşîm Ustaoglu: Av, Mirin û Rêwîtî” (Yeşim Ustaoğlu: Su, Ölüm ve Yolculuk)

Weşanxane: Agora Kitaplığı, 164 Rûpel (2010)

Belgefîlm û Kurtefilmên Derhêner Mizgîn Mujde Arslan:

Belgefîlman: “Kirasê Mirinê: Hewîtî”(2009). “Dana Bayramı” (2010). “Ez Firiyam Tu Mayî Li Cî” (2012).

Kurtefilman: “Lîstika Dawî” (2006). “Tov” (2009). “Şare” (2010) – Derhêner: Mizgîn Mujde Arslan, İrfan Taşkin. “Asya” (2012).“Melek” (2015). “Arîn” (2017).

Share This
COMMENTS

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir

%d blogcu bunu beğendi: