Spike Lee: Heta derzenî nêro viraştişî ez nêşina sînema

Derhênerê fîlman ê amerîkî Spike Lee serê sînema û vîrusê korona de xeber da û vat ke heta derzeney ene nêweşî nêro vînayişî ew nêşino salonanê sînema.

Derhêner û senarîst Spike Lee miyanê derhêneranê Hollywoodî de jo yînan zahf kar keno ra yo. Ew di fîlmanê xo de balê xo dano serê meselanê civakî û siyasî. Enka ke vîrusê korona dewam keno ê va, “Heta rewş baş nêbo ez nêwazena şorî salonanê sînema.”

Lee qeybî kovarey Vanity Fair xeber da û vat ke ê ene amnan fîlmê xo yê bi namey “Prince of Cats” viraştêne la semedê vîrusî ew betal kerdo ke heta vîrus biqediyo. Ew vano, “Hema mimkûn niyo ma fîlm virazê. Mesela sehney evînî go çawey bêro antişî, nizdîbiyîn do çawey bo? Ma go zey şovê Saturday Night Live dûrî ra bi kumanda bancê? Mi nêşka ciwabêke bivînî, loma ma enka antixê fîlmê xo betal kerd.”

Lee serê merdim şoro sînema ya nê de zî ana vat: “Ez nêşina salonanê sînemayan. Ez nêşima Broadway de ro koyana temaşe nêkera. Ez nêşina Stadê Yankke û ro maçan temaşe nêkena. Korona qaltax a. Korona yariyan nêkena. Tu korona zey çîqew qickek bivînê û nata weta şorê ti do bimrê. Ez qeybî şiyayişî xo hedre hîs nêkena.”

Fîlmê derhêner Spike Lee ê newe bi namey “Da 5 Bloods” 12’yê ene aşme Netfliks de yeno motrayişî.

Çavkanî: www.Diyarname.com

Nûçe – Sînemaya Serbixwe – www.sinemayaserbixwe.com

Share This
COMMENTS

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir

%d blogcu bunu beğendi: