Xelatên 29emîn Festîvala Fîlman a Saraybosnayê diyar bûn
Festîvala Fîlman a Navneteweyî ya Saraybosnayê îsal cara 29emîn di navbera rojên 11-18ê Gelawêjê de li dar ket û xelatên festîvalê bi merasimek li Şanogeha Neteweyî ya Saraybosnayê hatin dayîn. Fîlmê derhênera gurcî Elene Naverîanîyê yê “Blackbird Blackbird Blackberry” xelata ‘Fîlmê Herî Serketî’ û derhênerê Ukraynayî Philip Sotnychenko bi fîlmê xwe yê bi navê “La Palisiada” re xelata ‘Derhênerê Herî Serketî’ girtin.
Bi tevahî 49 fîlm ji bo beşa “Pêşbaziya Fîlmên Metrajdirêj” ketin pêşbazîyê. Derhênera yûgoslav Kumjana Novakova bi fîlmê xwe yê “Silence of Reason” re xelata ‘Mafên Mirovan’ girt. Ji zêdetirî 230 fîlmên ji 70 welatên cîhanê îsal di çarçoveya 29emîn Festîvala Fîlman a Saraybosnayê de derketin li pêşberî temaşevanên sînemayê. Gelek lîstikvan û derhênerên navdar ên wekî Robert de Niro, Angelina Jolie, Brad Pitt, Orlando Bloom, Daniel Craig John Malkovich, Nurî Bilge Ceylan, Morgan Freeman jî beşdarî li bernameya festîvalê bûn.
Festîvala Fîlman a Saraybosnayê ji sala 1995ê bi vir de her sal di meha Gelawêjê de tê lidarxistin û yek ji festîvalên fîlman ên herî girîng ên Ewropayê ye.
Xelatên 29emîn Festîvala Fîlman a Saraybosnayê:
Fîlmê Herî Serketî: Blackbird Blackbird Blackberry (derhêner: Elene Naverîanî)
Derhênerê Herî Serketî: Philip Sotnychenko (La Palisiada)
Lîstikvana Herî Serketî: Ekaterine Chavleishvili (bi fîlmê Blackbird Blackbird Blackberry)
Lîstikvanê Herî Serketî: Jovan Ginic (Bi fîlmê Lost Country)
Belgefîlmê Herî Serketî: Bottlemen (der: Nemanja Vojinovic)
Kurtebelgefîlmê Herî Serketî: Valerija (der: Sara Jurincic)
Xelata Mafên Mirovan: Silence of Reason (der: Kumjana Novakova).
Xelata Taybet a Jurîyê: Fairy Garden (der: Gergo Somogyvari)
Kurtefîlmê Herî Serketî: 27 (der: Flora Anna Buda)
Fîlmê Xwendekaran ê Herî Serketî: Falling (der: Anna Gyimesi)
Sînemaya Serbixwe – www.sinemayaserbixwe.com