Xelatên 30emîn Festîvala Fîlman a Raindanceyê hatin dayîn

30emîn Festîvala Fîlman a Raindanceyê îsal di navbera dîrokên 26ê Cotmehê û 5ê Mijdarê de li Londona Îngilistanê hate lidarxistin û derhêner Michael Morris bi yekem fîlmê metrajdirêj ê xwe yê bi navê “To Leslie” re ji festîvalê Xelata Fîlmê Festîvalê û Xelata Performansa Herî Serketî (serlîstikvana fîlmê Andrea Riseborough) girtin.

Li festîvalê, fîlmê derhênerê Îsraîlî Moshe Rosenthal ê “Karaoke” eleqeyeke mezin girt ku Xelatên Derhênerê Herî Serketî û Senaryoya Herî Serketî wergirtin. Derhêner Hee-il Leesong bi fîlmê xwe yê “Swallow” re Xelata Fîlmê Navneteweyî yê Herî Serketî girt. Fîlmê Hassan Nazerî yê “Winners” ji Îngilistanê ji bo Xelatên Oscarê weke berendam hatibû nîşandayîn ku li festîvalê bû Fîlmê Herî Serketî yê Brîtanyayê.

Festîvala Fîlman a Raindanceyê îsal cara 30emîn derket li pêşberî sînemahezan ku yek ji festîvalên herî girîng ên sînemaya serbixwe tê qebûlkirin û li Brîtanyayê festîvala mezintirîn ya li ser fîlmên serbixwe ye. Îsal derhêner Michael Morris bi yekem fîlmê metrajdirêj ê xwe yê bi navê “To Leslie” re ji festîvalê Xelata Fîlmê Festîvalê û Xelata Performansa Herî Serketî girtin. Fîlmê “To Leslie” ji bûyerên rastîn îlhama xwe digire û çîroka jiyana dayikeke Teksasî tîne li ber perdeya sînemayê.

Bernameya festîvalê ji aliyê Akademiya Huner û Zanistên Sînemayê ya DYAyê, Akademiya Hunerên Fîlm û Televîzyonê ya Îngilizê û Xelatên Fîlmên Serbixwe yên Îngilizê ve bi awayekî fermî tê pejirandin û her sal gelek pispor û xebatkarên sînemayê diçin li Londonê. Kurtefîlmên xelatgirtî yên festîvalê her sal rasterast beşdarî li Xelatên Oscarê û BAFTAyê dibin.

Xelatên 30emîn Festîvala Fîlman a Raindanceyê:

Fîlmê Festîvalê: “To Leslie” (Derhêner: Michael Morris, U.K.)

Performansa Herî Serketî: Andrea Riseborough, “To Leslie”

Fîlmê Navneteweyî yê Herî Serketî: “Swallow” (Derhêner: Hee-il Leesong, Kore)

Fîlmê Herî Serketî yê Brîtanyayê: “Winners” (Derhêner: Hassan Nazar, U.K.)

Belgefîlma Herî Serketî: “My Name Is Andrea” (Derhêner: Pratibha Parmar, DYA)

Derhênerê Herî Serketî: Moshe Rosenthal, “Karaoke”

Senaryoya Herî Serketî: Moshe Rosenthal, “Karaoke” (Derhêner: Moshe Rosenthal, Îsrail)

Kifş / Fîlmê Yekem ê Herî Serketî: “Gentle” (Derhêner: László Csuja, Anna Nemes, Macerîstan)

Derhênera Dîmenê ya Herî Serketî: Nikita Kuzmenko, “Pamfir” (Derhêner: Dmytro Sukholytkyy-sobchuk, Ukrayna)

Rihê Raindanceyê: “Swede Caroline” (Derhêner Finn Bruce, Brook Driver, Brîtanya)

Bernameya Kurtefîlman a Besatîya Xelata Akademîyê: 

Kurtefîlmê Herî Serketî yê Festîvalê: “Same Old” (Derhêner: Lloyd Lee Choi, U.S.)

Kurtefîlmê Herî Serketî yê Brîtanyayê: “Glorious Revolution” (Derhêner: Masha Novikova, U.K./Ukrayna/Elmanya)

Belgefîlma Herî Serketî: “Elephant Food Is For The Strongest Teeth” (Derhêner: Michael Kinsella-Perks, Will McBain, U.K.)

Kurteanîmasyona Herî Serketî: “My Year of Dicks” (Derhêner: Sara Gunnarsdóttir, DYA/Îzlanda)

Vîdyoya Muzîkê ya Herî Serketî: Crazy (C Prinz, ABD)

Çavkanîya nûçeyê: Film Hafızası

Sînemaya Serbixwe – www.sinemayaserbixwe.com

Share This
COMMENTS

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir

%d blogcu bunu beğendi: