Xelatên 8’emîn Festîvala Fîlman a Navneteweyî ya Duhokê Hatin Eşkerekirin

Nûçe: Rûmet Med

8’emîn Festîvala Fîlman a Navneteweyî ya Duhokê îsal di navbera dîrokên 15-22yê meha mijdarê de hate li darxistin û xelatên festîvalê jî bi merasimeke hatin eşkerekirin.

Li Festîvala Fîlman Duhokê, Rêber Dosky bi belgefîlma xwe “Sidiq û Piling”ê xelata fîlmê baştirîn, Erselan Emîrî bi fîlmê “Zalava”yê Derhênerê Baştirîn û Mehmet Alî Konar bi fîlmê xwe yê “Govenda Alî û Dayîka Zîn”ê xelata Xelata FIBRESCIyê girtin. Xelatên Lîstikvanên Baştirîn jî dan li Meryem Bûbanî û Navid Pourfaraj. Derhêner Rêber Dosky xelata xwe diyarî keçên Êzidî kir.

Îsal mêvanên rûmetê yên festîvalê sînemagerên Efxanistanê bûn ku fîlmên Efxanistanê yên klasîk û nûjen li bernameya Festîvala Fîlman a Duhokê derketin li pêşberî sînemahezan. Fîlmê “Osama” (2003) yê derhênerê navdar ê efxan Siddiq Barmakî ku ji Xelatên Girover/Globe a Zêrîn xelata ‘Di Zimanê Biyanî de Fîlmê Herî Serketî’ girtibû û fîlm, li rojên Festîvala Fîlman a Duhokê bi beşdarî derhênerê fîlmê hate nîşandan.

Festîvala Fîlman a Duhokê yek ji festîvalên fîlman ên girîngtir ên sînemaya Kurdî ye û sala par wekî gelek festîvalên din ên cîhanê ji ber şewba nexweşiya koronayê hatibû bi paşxistin.

Bernameya Festîvala Fîlman a Navneteweyî ya Duhokê her sal di du beşên; “Sînemaya Kurdî” û “Sînemaya Cîhanê” de tête li darxistin û di çarçoveya festîvalê de gelek fîlmên dirêj, belgefîlm, kurtefîlm û fîlmên anîmasyon derdikevin li pêşberî temaşevanên sînemayê û fîlmên festîvalê têne xelatkirin. Di rojên festîvalê de, bi beşdarî derhêner û lîstikvanên fîlman hevpeyvînan têne çêkirin. (Nûçe tê nûvejenkirin)

Xelatên 8’emîn Festîvala Fîlman a Navneteweyî ya Duhokê:

Xelata Fîlmê Baştirîn: Belgefîlma “Sidiq û Piling” – Rêber Doskî

Xelata Derhênerê Baştirîn: Erselan Emîrî – Fîlma Zalava

Xelata Fîlmê Baştirîn ê Navneteweyî yê Yilmaz Guneyê: “Jiyan” – Suheyla Schwenk

Xelata FIBRESCIYê: Govenda Alî û Dayîka Zînê – Mehmet Ali Konar

Xelata Belgefîlma Kurdî ya Baştirîn: Holy Bread – Rehîm Zebihî

Xelata Senaryoya Baştirîn: Brother’s Keeper – Ferit Karahan

Xelata Lîstikvana Baştirîn: Meryem Bûbanî (Fîlmê “Govenda Ali û Dayîka Zîn – Mehmet Alî Konar)

Xelata Lîstikvanê Baştirîn: Navid Farjzdadeh (Fîlmê Zalava – Arsalan Amirî)

Xelata Fîlmê Baştirîn ê Juriyê: Namo (Nader Saeivar)

Xelata Kurtefîlmê Baştirîn ê Juriyê: Silence

Xelata Lîstikvanê Mansiyonê yê Taybet: Hallo Ramshty

Xelata Kurtefîlmê Baştirîn: Seven Symphonies of Zagros / Perwiz Rostemî

Xelata Kurtefîlmê Baştirîn ê Navneteweyî: “Great Istanbul Depression”

Xelata Belgefîlma Baştirîn a Navneteweyî: “The other side of the river”

Fona Fîlman a Festîvala Duhokê ji bo qadên Nuhat: Koma Hilberîna Uncastedê: Osama Anwer, Yad Abdulqader, Rowal Nawgundi, Heyder Huseynî

Fonên Gothenburg Film û Festîvala Fîlman a Duhokê: Koma çêker a Taxi Mergestanê: Ayad Khalil
Rayan Tovi, Lana Kamaran, Niwar Abdulrahman

Fonên Gothenburg Film û Festîvala Fîlman a Duhokê:  The production crew of Paths / Azhin Kawa, Tazhan Wahab, Ala Muhammed, Hezhwan Zendi

Çavkaniya Wêneya Yekem: 

Wêneyên din:  

Ji bo agahî: duhokiff.com

Sînemaya Serbixwe – www.sinemayaserbixwe.com

Share This
COMMENTS

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir