Xelatên Başka Marketê hatin dayîn

*Wêne: Ji projeya Pinar Yorgancioglu ya “Karanlikta Islik Çalanlar”

Başka Marketê ji alîyê Başka Sînemayê ve weke bazara çêkirin a hevpar û platforma pêşvebirina projeyan tê birêvebirin ku deh salan e piştgirî dide endustrîya fîlman, fîlmên ku di pêvajoya projeyê de ne. Bernameya Başka Marketê îsal bi piştgirîya Navenda Çanda Frensî ya Stenbolê, Festival Scope, Eventival û Documentary Association of Europeyê ve di beşên “Fîlmên Sêwirî yên di Pêvajoya Pêşvebirinê de ne”, “Work-in-Progress (Sêwirî)” û “Work-in-Progres (Belgefîlman)” de hate lidarxistin. Derhênerê kurd Mahsûm Taşkin bi projeya “Bêkes” re ‘Xelata Belavkirin a Başka Sînemayê’ girt.

Heşt projeyên fîlman ên beşa “Fîlmên Sêwirî yên di Pêvajoya Pêşvebirinê de ne” ji alîyê dîrektora endustrî ya Festîvala Fîlman a Tallinn Black Nightsê Marge Lisske, çêkerê Cinefrance Studiosê yê Renan Artukmaç û derhêner Selcen Ergun ve hatin hilbijartin. Pênc projeyên fîlman ên beşa “Work-in-Progress (Sêwirî)” ji alîyê dîrektorê endustrî yê Doha Qumrayê Alî Khechen, çêker Aslî Fîlîz û bernamegerê Festîvala Fîlman a Navneteweyî ya Selanîkê Dimitris Kerkinos ve û pênc projeyên fîlman ên beşa “Work-in-Progres (Belgefîlman)” ji alîyê çêker Anke Petersen, çêker Haşmet Topaloglu û endamê lîjneya bijêr ê FIDMarseilleyê Marco Cipollini ve hatin hilbijartin.

Xelatên Başka Marketê:

Fîlmên Sêwirî yên di Pêvajoya Pêşvebirinê de ne:

  • Xelata Post Produksîyonê: Mardîn’în En Guzel Kizi (Derhêner. Alî Kemal Guven, Çêker. Seda Ozkaraca)
  • Piştgirîya Ekîpman a Filmarkayê Onu Ellerînden Tanidim (Derhêner. Omer Çapoglu, Çêker. Nadîr Operlî, Îrem Akbal)
  • Xelata Belavkirin a Başka Sînemayê: Bekes (Derhêner. Mahsûm Taşkin, Çêker. Vîldan Erşen)

Work-in-Progress (Sêwirî)

  • Xelata Piştgirîya BluTVyê (100.000 TL): Karanlikta Islik Çalanlar (Derhêner. Pinar Yorgancioglu, Çêker. Zeynep Ekmekçî, Dîlde Mahallî, Bekîr Yusuf Açıksoz, Onder Furkan Beslî)
  • Xelata Sererastkirin a Rengan a TamTam Mediayê: Sahîbînden Rahmet (Derhêner. Emre Sert, Gozde Yetîşkîn, Çêker. Emre Sert, Gozde Yetîşkîn, Kerem Çelebî, Ender Sevîm)
  • Xelata Promosyon û Belavkirin a Başka Sinemayê: Dongu (Derhêner. Erkan Tahhuşoglu, Çêker. Îrîs Tahhuşoglu)

Work-in-Progress (Belgefîlm)

  • Xelata Sererastkirina Rengan a GeniusParkê: Suya Duşenler (Derhêner. Selen Heinz, Çêker. Yeşîm Ustaoglu, Behrooz Hashemian)
  • Xelata Belavkirin a Başka Sinemayê: Whose Dream Are You Living? (Derhêner. Mohammad Tabarsa, Çêker. Mahnaz Tafaghi)

Hate ragihandin ku vîdyoyên hemû projeyên fîlman ên Başka Sînemayê dê heta dawîya Berfanbarê li ser Festival Scopeyê vekirî bimînin û projesyonelên sektorê dikarin bişopînin. Çalakîya Başka Marketê dê di sala nû de weke rûbirû bê kirin.

Çavkanî: Altyazı.net 

Ji bo agahî:

Sînemaya Serbixwe – www.sinemayaserbixwe.com

COMMENTS

Bir yanıt yazın

E-posta adresiniz yayınlanmayacak. Gerekli alanlar * ile işaretlenmişlerdir