Xelatên Festîvala Fîlman a Venedîkê hatin eşkere kirin.

Nûçe-Nivîs: Rûmet Med

78emîn Festîvala Fîlman a Navneteweyî ya Venedîkê îsal di dîrokên 1-11 Îlonê de derket li pêşberî sînemahezan û fîlmên festîvalê hatin xelat kirin.

Festîvala Fîlman a Venedîkê yek ji festîvalên fîlman ên girîngtir ên dîroka sînemayê ye ku îsal cara 78emîn hate li darxistin.

Li bernamaya festîvala Venedîkê îsal fîlmê “Happening” yê Audrey Diwanê xelata Şêrê Zêrîn û fîlmê “Zalava” ku ji aliyê derhênerê kurd Erselan Emîrî ve hatiye kişandin, Xelata Mezin a Hefteya Rexnegirên Fîlman a Navneteweyî û Xelata Navneteweyî ya FIPRESCIyê girtin.

Festîvala Venedîkê îsal di navbera dîrokên 1-11 Îlonê de hate li darxistin û îro bi merasimek bi dawî bû. Xelatên festîvalê jî hatin eşkere kirin.

Bernameya festîvalê bi nîşandan fîlmê “Madres Parales” yê derhênerê navdar Pedro Almodóvarî dest pê kiribû û gelek fîlmên wekî; “Spencer” (der: Pablo Larrain), “The Power of the Dog” (der: Jane Campion), “Last Night in Soho” (der: Edgar Wright), “The Lost Daughter” (der: Maggie Gylenhaal), “The Last Duel” (der: Ridley Scoot) cara yekem hatin nîşandan.

Li Venedîkê; îsal fîlmê “Happening” yê derhênera Frensayê Audrey Diwanê xelata ‘Şêrê Zêrîn’ girt û fîlmê “Zalava” yê derhênerê kurd Erselan Emîrî Xelata Mezin a 36emîn Hefteya Rexnegirên Fîlman a Navneteweyî û Xelata Navneteweyî ya FIPRESCIyê girtin. Lîstikvanên navdar ên Penélope Cruz û John Arcilla weke lîstikvanên baştirîn hatin hilbijartin.

Xelatên 78emîn Festîvala Fîlman a Venedîkê

Xelata Şêrê Zêrîn: Happening / Audrey Diwan

Xelata Mezin a Juriyê: The Hand of God / Paolo Sorrentino

Derhênerê Baştirîn: The Power of the Dog / Jane Campion

Lîstikvana Baştirîn: Penélope Cruz / Parallel Mothers

Lîstikvanê Baştirîn: John Arcilla / On the Job: The Missing 8

Senaryoya Baştirîn: Maggie Gyllenhaal / The Lost Daughter

Xelata Taybet a Juriyê: Il buco / Michelangelo Frammartino

Lîstikvanê Ciwan ê Baştirîn: Filippo Scotti / The Hand of God

Xelata Mezin a Hefteya Rexnegirên Fîlman a Navneteweyî (36emîn): Arsalan Amiri / Zalava

Xelata Navneteweyî ya FIPRESCI: Arsalan Amiri / Zalava

Beşa Orizzonti

Fîlmê Baştirîn: Pilgrims / Laurynas Bareisa

Derhênerê Baştirîn: Eric Gravel / Full Time

Xelata Taybet a Juriyê: El gran movimiento / Kiro Russo

Lîstikvana Baştirîn: Laure Calamy / Full Time

Lîstikvanê Baştirîn: Piseth Chhun / White Building

Senaryoya Baştirîn: Ivan Ostrochovsky, Peter Kerekes / 107 Mothers

Kurtefîlmê Baştirîn: Los huesos / Cristóbal León, Joaquin Cocina

Beşa Orizzonti Extra

Xelata Temaşevan: The Blind Man Who Did Not Want to See Titanic / Teemu Nikki

Fîlmê Yekem Şêra Dahatûyê (Luigi de Laurentiis): Immaculate / Monica Stan, George Chiper-Lillemark

Beşa Berrahiya Ferazî

Fîlmê Berrahiya Ferazî yê Baştirîn:
Goliath, Playinh with Reality / Barry Gene Murphy & May Abdalla

Serpêhatiya Berrahiya Ferazî ya Baştirîn: Le bal de Paris / Blanca Li

Çîroka Berrahiya Ferazî ya Baştirîn: End of Night / David Adler

Çavkanî: www.labiennale.org, Cineuropa

Sînemaya Serbixwe – www.sinemayaserbixwe.com

Share This
COMMENTS

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir